ސީޕްލޭން ޓާމިނަލް، ޝެރެޓަން މޯލްޑިވްސް ފުލް މޫން ރިސޯޓް (ފުރަނަ ފުށި) އަށް ބަދަލު ކުރަން ނިންމާފައިވާ ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެއެވެ.
އިކޮނޮމިކް މިނިސްޓްރީން މިއަދު ބޭއްވި ނޫސްވެރިންގެ ބައްދަލުވުމުގައި މިނިސްޓަރު އީދު ވިދާޅުވީ، ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ވިސްނުންފުޅަކީ ސީޕްލޭން ޓާމިނަލް މިހާރު ހުރި ތަނުގައި ޖެޓް ޓާމިނަލެއް ގާއިމްކޮށް، އެ ވިޔަފާރި މުޅިން އަލަށް ރަސްމީކޮށް އުފަންކޮށްގެން ކުރިއަށް ވަޑައިގެންނެވުން ކަމަށެވެ.
ސައީދު ވިދާޅުވީ، ސީޕްލޭން ޖައްސާ ސަރަހައްދު ހިއްކައިގެން، އެ ސަރަހައްދުގައި ޑޮމެސްޓިކް ޓާމިނަލްގެ ޖާގަ އިތުރު ކުރުމަށްވެސް ނިންމާފައިވާ ކަމަށެވެ.
ސީޕްލޭން ޓާމިނަލް ފުލް މޫނަށް ބަދަލު ކުރުމުން މުޅި އެއާޕޯޓުގެ އޮޕަރޭޝަނަށްވެސް ފަސޭހަވާނެ ކަމަށް މިނިސްޓަރު ވިދާޅުވިއެވެ. އެގޮތުން ދުނިޔޭގެ އެންމެ ބޮޑު ސީޕްލޭން އިންޑަސްޓްރީ ރާއްޖޭގައި އޮތް އިރު މައި އެއާޕޯޓުގެ ލޭންޑިން، ޓޭކް އޮފް އަށް އަންނަ ބާރު ބޮޑުވުން ލުއި ކުރެވޭނީ ސީޕްލޭން ޓާމިނަލް އެހެން ތަނަކަށް ބަދަލުކޮށްގެން ކަމަށް އޭނާ ވިދާޅުވެފައެވެ.
ސައީދު އިތުރަށް ވިދާޅުވީ، މިހާރު ބޭނުން ކުރާ ސީޕްލޭން ޓާމިނަލްގެ ކެޕޭސިޓީ ހުރީ ފުލްވެފައި ކަމަށެވެ.
