ކަރަންޓް ބިލްތަކާއި ގުޅޭ ޝަކުވާ ހުށަހަޅަން ސްޓެލްކޯގެ ނަމްބަރެއް އާއްމުކޮށްފިއެވެ.
ހޫނު މޫސުމުގެ ކަރަންޓު ބިލަކަށްވުރެ މިދިޔަ މަހުގެ ކަރަންޓު ބިލް ބޮޑުކަމަށް ބުނެ ބައެއް ފަރާތްތަކުންދަނީ ކަންބޮޑުވުން ފާޅުކުރަމުންނެވެ.
އެކަމާ ގުޅިގެން ސްޓެލްކޯއިން މިއަދު ބުނީ ބިލްތަކާ ގުޅިގެން ކަސްޓަމަރުން ބޭނުންވާ ޝަކުވާތައް އެ ކުންފުނީގެ ކަސްޓަމަރު ސާވިސް އެންޑް ބިލިންގ ގެ ނަމްބަރު 7788438 އަށް ވަޓްސްއެޕް ނުވަތަ ޓެލެގްރާމް މެދުވެރިކޮށް ހުށަހެޅުމަށް އެދޭ ކަމަށެވެ.
އަދި އީމެއިލް މެދުވެެރިކޮށް ނަމަ billing@stelco.com.mv އަށް ހުށަހެޅުމަށް ވަނީ އެދިފައެވެ.
ސްޓެލްކޯއިން ބުނީ ކަސްޓަމަރުން ހުށަހަޅާ ޝަކުވާތައް ގިނަވެގެން 24 ގަޑިއިރު ތެރޭގައި ޖަވާބުދާރީވުމަށް އެ ކުންފުނިން މަސައްކަތް ކުރަމުން އަންނަ ކަމަށެވެ.
