ބޮޑު މަރާމާތަކަށް ފަހު ގދ. މަޑަވެލީ "ކަމަނަ" ދޯނި މާދަމާ މޫދަށް ބޭލުމަށް ތައްޔާރުވެއްޖެއެވެ.
105 ފޫޓުގެ މި ދޯންޏަކީ ރާއްޖޭގެ މަސްދޯންޏެއްގައި ބޭނުންކުރާ ހުރިހާ ޒަމާނީ ވަސީލަތްތައް ފުރިހަމަ ދޯންޏެކެވެ. މިގޮތުން މަސް ފިނިކުރާ "އާރު.އެސް.ޑަބްލިޔު" ސިސްޓަމާއި ދޫނި ރާޑަރުގެ އިތުރުން އިލެކްޓްރޯނިކް ވިންޗް ފަދަ ވަސީލަތްތައް މި ދޯނީގައި ބޭނުންކުރެއެވެ.
ދޯނީގެ އިންޖީނަކީ 755 ހޯސްޕަވަރުގެ އިންޖީނެކެވެ. މި އިންޖީނާއެކު ދޯނީގެ ދުވެލި އުޅެނީ ގަޑިއަކު 14-14.5 މޭލު ބާރުމިނުގައެވެ. އަދި ބަރުކޮށްގެން 13-13.5 މޭލަށް ދުވާނެއެވެ.
މި ދޯނި މަސްވެރިކަމުގައި ޚަރަކާތްތެރިވާތާ ގާތްގަނޑަކަށް ދިހަ ވަރަކަށް އަހަރު ވެއްޖެއެވެ.
މި ދޯނިން 35 މަސްވެރިން މަހަށް ދެއެވެ. މިދޯނި އެއް ދުވަހުން އެންމެ ގިނައިން ބާނާފައިވަނީ 60787 ކިލޯގެ މަހެވެ.
"ކަމަނަ" ދޯނީގެ ކެޔޮޅަކީ ދޯނީގެ "އޮޑިވެރިޔާ" ގދ. މަޑަވެލީ ސައުތު ގޭޓް ޞާދިޤް ހަސަން އެވެ.
