ހުޅަނގު މޫސުމުގެ ދިހަވަނަ ނަކަތް: މާ

ހުޅަނގު މޫސުމުގެ ނުވަވަނަ ނަކަތް "އަހުލިހަ" ނިމި، މާ ނަކަތް ފެށިއްޖެއެވެ.

މާ ނަކަތަކީ އޮގަސްޓްމަހުގެ 11 ވަނަ ދުވަހުން ފެށިގެން އޮގަސްޓުމަހުގެ 23 ވަނަ ދުވަހުގެ ނިޔަލަށް ދެމިގެންދާ ނަކަތެކެވެ.

މި ނަކަތުގައި ޢާންމުކޮށް ވައި މަޑުވެ ކަނޑުތައް މަޑުވާނެއެވެ. ނަމަވެސް މި ނަކަތާމެދު އިހުގައި ދިވެހިން ބުނެ އުޅޭގޮތުން އަހުލިހައިގައި ވިއްސާރަ ވެއްޖެ ނަމަ މާ ނަކަތުގައި ވެސް ވިއްސާރަވާނެއެވެ. ވައިޖެހޭނީ ޢާންމުކޮށް ސީދާ ހުޅަނގުންނެވެ.

މި ނަކަތުގައި ވިއްސާރަ ނޫން ނަމަ މަސްވެރިކަން ރަނގަޅުވާނެއެވެ.

ނަކަތް ހިމެނޭ ހުޅަގު މޫސުން ފެށުނީ އޭޕްރީޕް މަހުއެވެ. އިރުވައި މޫސުން ނިމުނީ އޭޕްރީލް ހަތްވަނަ ދުވަހު 'ރޭވަ' ނަކަތުންނެވެ. އިރުވައި މޫސުމުގައި ހިމެނުނީ ޖުމުލަ ނުވަ ނަކަތެވެ.

ހުޅަނގު މޫސުމުގެ ނަކަތް ތަކަކީ:

1. އައްސިދަ
2. ބުރުނު
3. ކެތި
4. ރޯނު
5. މިއަހެލި
6. އަދަ
7. ފުނޯސް
8. ފުސް
9. އަހުލިހަ
10. މާ
11. ފުރަ
12. އުތުރަ
13. އަތަ
14. ހިތަ
15. ހެއި
16. ވިހާ
17. ނޮރަ
18. ދޮށަ މިއެވެ.