ޖެމެއިކާގައި މިޔަރެއް ހަމަލާދިނުމުގެ ސަބަބުން 16 އަހަރުގެ ކުއްޖެއް މަރުވެއްޖެއެވެ.
ޖަހްމާރީ ރެއިޑު އަކީ އާއްމުކޮށްވެސް ސްޕިއަރ ފިޝިންގއަށް މޫދަށް ގޮސް އުޅޭ ކުއްޖެކެއެވެ. މިޔަރުގެ ޝިކާރައަކަށް އޭނާ ވެފައިވަނީ އެކަނި މަސް ހިފަން ގޮސް އުޅެނިކޮށެވެ.
އޭނާގެ ހަށިގަނޑު ފެނުނު އިރު ބޮލާ އެއް އަތް ނެތެވެ. އަދި އެކި ވަރުގެ އަނިޔާތައް ލިބިފައި ހުރިކަމަށް ޙަބަރުތައް ބުނެއެވެ.
ޖަހްމާރީއަށް ހަމަލާދީފައިވާކަމަށް ބެލެވެނީ ޓައިގާ ޝާކެކެވެ. އަދި ޖަހްމާރީގެ ބޯ ވެސް މޫދުން ފެނުނު ކަމަށާއި އެހެން ނަމަވެސް މިޔަރުގެ ކިބައިން ބޯ ސަލާމަތްކުރެވޭގޮތް ނުވި ކަމަށެވެ.
ޖަހްމާރީގެ ހަށިގަނޑު ފެނިފައިވަނީ އޭނާ ގެއްލިގެން ހޯދާތާ އެއް ދުވަސް ފަހުންނެވެ. އޭނާ ގެ ހަށިގަނޑު މިހާރުވަނީ އާއިލާ އާއި ހަވާލުކޮށްފައެވެ.
އެހިސާބުގައި ދިރިއުޅޭ މީހުން ދަނީ އެ މިޔަރު ހޯދުމަށް މަސައްކަތްކުރަމުންނެވެ. އަދި އެ މިޔަރު މަރާލާނެ ކަމަށްވެސް ވަނީ ބުނެފައެވެ.
ޖެމެއިކާއަކީ މިިޔަރު ހަމަލާދިނުމުގެ ހާދިސާތައް މަދު ޤައުމެކެވެ. އެގޮތުން 1749 ވަނަ އަހަރު ފެށިގެން މިހާތަނަށް އެޤައުމުގައި ރިޕޯޓުކޮށްފައިވަނީ މިޔަރު ހަމަލާދިނުމުގެ އެންމެ 3 ހާދިސާއެވެ.
