ޔުނިވަރސިޓީ އޮފް ޓެސްމޭނިއާގެ ސައިންސްވެރިން ކުރިއަށްގެންދިޔަ ދިރާސާއެއްގައި އެތައް ހާސް މިޔަރެއް އެއްތާކަށް އެއްވެފައިވާތަން ފެނިއްޖެއެވެ.
ޓެސްމޭނިއާގެ ބީގަލް މެރިން ޕާކުން މީގެ 6 އަހަރުކުރިންވެސް މި މަންޒަރު ވަނީ ފެނިފައެވެ. ދިރާސާ ޓީމުގައި ހަރަކާތްތެރިވާ ޖެކުއަމޯ މޮންކް ބުނީ ކެމެރާ ހަރުކޮށްފައިވާ އެކުއަޓިކް ރޮބޮޓުން މި މަންޒަރުތައް ރެކޯޑުކުރެވިފައިވާ ކަމަށެވެ.
އަދި އެ މަންޒަރު އޭނާ ސިފަކޮށްފައިވަނީ ކަނޑުގެ ފަސްގަނޑުގައި މިޔަރުތައް ހުރީ ދޫލައެއްހެން އެތުރިގެން ކަމަށެވެ. ޕޯސް ޖެކްސަން ނަމަކަށް ކިޔާ މި މިޔަރުތައް މިގޮތަށް މި އެއްވަނީ ކޮން ސަބަބާއި ހުރެކަމެއް އަދި ސައިންސްވެރިންނަށް ހޯދިފައެއް ނުވެއެވެ.
އަދި މިކަމާއި ގުޅޭގޮތުން ގިނަ ސުވާލުތަކެއް އުފެދިފައިވާއިރު، މި އެއްވުމުގައި އުޅެނީ ހުސް އަންހެން މިޔަރުކަން ވަނީ އެނގިފައެވެ. އާއްމުގޮތެއްގައިވެސް މިބާވަތުގެ އަންހެން މިޔަރު އެކީގައި އުޅޭކަން ފާހަގަކުރެވޭއިރު، އެ އެއްޗެހި އެއްވަނީ އެތަނުގައި ހުރި އެއްޗެއް ކާން ކަމަށްވުންވެސް އެކަށީގެންވާކަމަށް ސައިންސްވެރިން ބުނެއެވެ.
އަދި މީގެންވެސް އެނގިގެންދަނީ ކަނޑުގައި ފޮރުވިފައިވާ އެތައް ސިއްރުތަކެއް އެބަހުރިކަން ކަމަށް ސައިންސްވެރިންގެ ޓީމުން ބުނެއެވެ.
2 Responses
ޓީ ސެއަރކުރަން
މިޔަރުތަކައް ވެސް އިގެޔޭ އެއައް ގޯނާ ކުރާކަން
Comments are closed.