މަސްވެރިން ކިރުވާފައިވާ މަހަށް މިއަދު ހަތް މިލިއަން ރުފިޔާ ޖަމާކުރާނެ ކަމަށް މިފްކޯއިން ބުނެފިއެވެ،
މިފްކޯއިން މިއަދު ބުނީ، އޯގަސްޓް މަހުގެ 9 އިން 23 އަށް 445 ޓަނަށްވާ ދެ ހަފްތާގެ ފައިސާ މިއަދު އޮޑިވެރީންނަށް ޖަމާކުރާނެ ކަމަށެވެ. އެއީ 7 މިލިއަން ރުފިޔާއެވެ،
މިފްކޯއިން ބުނީ މިފްކޯއިން ދެން ދޫކުރާނީ އޯގަސްޓު 24 އިން ސެޕްޓެމްބަރު 9 އާއި ދެމެދަށްވާ 2 ހަފްތާގެ މުއްދަތުގެ ފައިސާ ކަމަށާއި އެ މުއްދަތުގެ ތަފްސީލް އެނގޭނީ އަންނަ ހަފްތާގެ ހޯމަ ދުވަހުގެ ފަހުން ކަމަށެވެ. އަދި އެ މުއްދަތު ހަމަވުމުން އެ ފައިސާވެސް ވީހާވެސް އަވަހަށް އޮޑިވެރީންނަށް ޖަމާކޮށްދޭނެ ކަމަށް ބުންޏެވެ.
ސަރުކާރާއި މިފްކޯގެ ކޭޝްފްލޯގެ ދަތިކަމުގެ މި ހާލަތުގައިވެސް މި ކުންފުނީގެ ބޯޑާއި މެނޭޖުމެންޓުގެ އިތުރުން، ސަރުކާރާއި، ފިޝަރީޒް މިނިސްޓްރީން ގުޅިގެން ކުރެވޭ މަސައްކަތުގައި ސަރުކާރުން ލިބޭ އެހީތެރިކަން މިފްކޯއިން ވަނީ ފާހަގަކޮށްފައެވެ،
މިފްކޯއިން ވަނީ މަސްވެރިންނަށް ބިލިއަނަކަށްވުރެ ގިނަ ރުފިޔާ ޖަމާކޮށްފައެވެ.
