ދިވެހިރާއްޖޭގެ ފަހުރުވެރި ގައުމީ ދުވަހުގެ މުނާސަބަތުގައި ދިވެހި ލޮބުވެތި ޔައްޔިތުންނަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ތަހުނިޔާ ވިދާޅުވެއްޖެއެވެ.
އެމަނިކުފާނު ގައުމީ ދުވަހުގެ ތަހުނިޔާއާ ހެޔޮއެދުންތައް އަރިސްކުރެއްވީ ރޭ އެކްސް މެދުވެރިކުރައްވައި، ހިއްސާ ކުރެއްވި ޕޯސްޓެއް މެދުވެރިކޮށެވެ.
ޤައުމީ ދުވަހާ ގުޅިގެން މިއަދު ހެނދުނު ބޭއްވި ދިދަނެގުމުގެ ރަސްމިއްޔާތުގައި ރައީސުލްޖުމްހޫރިއްޔާގެ ދެކަނބަލުން ވަނީ ބައިވެރިވެވަޑައި ގެންފައެވެ.
ގައުމީ ދުވަހުގެ ރަސްމީ ޖަލްސާގައި ވެސް ރައީސުލްޖުމްހޫރިއްޔާގެ ދެކަނބަލުން ބައިވެރިވެ ވަޑައިގަންނަވާނެއެވެ. އެ ޖަލްސާގައި އެމަނިކުފާނު ގައުމާ މުހާތަބް ކުރައްވަން ވަނީ ހަމަޖެހިފައެވެ.
ދިވެހިރާއްޖޭގައި ޤައުމީ ދުވަސް ފާހަގަކުރަނީ ކޮންމެ އަހަރެއްގެ ރަބީޢުލްއައްވަލް މަހުގެ 1 ވަނަ ދުވަހުއެވެ. މިއީ ރާއްޖޭގެ 81 ވަނަ ގައުމީ ދުވަހެވެ.
