ބަންގްލަދޭޝުން އިންޑިއާއަށް ވަކި މުއްދަތަކަށް ހިލްސާމަސް އެކްސްޕޯޓުކުރުމުގެ ހުއްދަ ދީފިއެވެ. ސަރުކާރުން ހުއްދަ ދީފައިވަނީ އިންޑިއާއަށް 3000 ޓަނުގެ ހިލްސާ މަސް އެކްސްޕޯޓުކުރުމަށެވެ.
ބަންގުލަދޭޝުގެ ޤައުމީ މަހުގެ ގޮތުގައި ބެލެވޭ، ހިލްސާ މަހަށް އެޤައުމުގައި ބޮޑު ޑިމާންޑެއް އޮވެއެވެ. އެހެންކަމުން އެމަސް އެޤައުމުން ބޭރަށް އެކްސްޕޯޓުކުރުމުގެ ހުއްދަ އާއްމުކޮށްދެނީ ސެޕްޓެމްބަރު އަދި އޮކްޓޫބަރުގައެވެ. މިއީ އިންޑިއާގައިވެސް މިމަހަށް ޑިމާންޑު އޮންނަ މަސްތަކަކަށްވުމާއިވެސް އެކުއެވެ.
ބަންގްލަދޭޝްގެ މިހާރުގެ ސަރުކާރުން ނިންމީ މިއަހަރު އެޤައުމުން ހިލްސާ މަސް އެކްސްޕޯޓުކުރުމުގެ ހުއްދަ ނުދިނުމަށެވެ.
އެހެންނަމަވެސް މިހާރު އެނިންމުން ވަނީ ބަދަލުކޮށްފައެވެ. އަދި މިއީ ދެ ޤައުމުގެ ދެމެދުގައި އޮތް ގާތްގުޅުން ދެމެހެއްޓުމަށްޓަކައި ގެނައި ބަދަލެއްކަމަށްވެސް ބަންގްލަދޭޝްގެ ނޫސްތަކުގައި ބުނެފައިވެއެވެ.
ބަންގްލަދޭޝުން ހިލްސާ މަސް އެކްސްޕޯޓުކުރުން މަނާކޮށްފައިވަނީ 2012ވަނަ އަހަރުއެވެ.
