އޮސްޓްރޭލިއާގެ މަސްވެރިންތަކަކަށް އޯފިޝްއެއް ބޭނިއްޖެއެވެ.
މިއީ އެސަަރަހައްދުގެ ކަނޑުގެ ސަހަރައްދުން މި ބާވަތުގެ މަހެއް ބޭނި ފުރަތަމަ ފަހަރު ކަމަށް ޚަބަރުތައް ބުނެއެވެ.
ކަނޑުގެ ވަރަށް ފުނުގައި އުޅޭ ވަރަށް މަދުން ފެންނަ އޯފިޝް ބޭނުމަކީ، މީހުން ދެކޭގޮތުގައި ތޫފާނެއް އަންނަން އުޅޭ ކަމުގެ ނިޝާނެކެވެ. އެގޮތުން 2011 ވަނަ އަހަރު މި ބާވަތުގެ މަހެއް މީހަކު ބާނާފައިވާއިރު، އޭގެ ދުވަސްތަކެއް ފަހުން ވަނީ ޖަޕަނަށް ބާރުގަދަ ބިންހެލުމެއް އަރާފައެވެ.
ބައެއް މީހުން މިއީ ބިންހެލުމަށް އަތުވެދާނެ ކަމެއް ކަމަށް ބުނަމުން ދިޔަ ނަމަވެސް ސައިންސްވެރިންދަނީ މިއީ އެފަދަ ކަމަކާއި ގުޅުން ހުރި ކަމެއް ނޫން ކަމަށް ބުނަމުންނެވެ.
އެގޮތުން ކަނޑުގެ ލޮނު ކަނޑުގެ ފިނި ހޫނު މިނަށް އަންނަ ބަދަލާއި ގުޅިގެންވެސް އޯފިޝްއެއް ކަނޑުގެ ތިލަ ހިސާބަކުން ފެނިދާނެ ކަމަށް ސައިންސްވެރިން ހާމަކުރެއެވެ.
އޯފިޝްއަކީ ކަނޑުގެ ވަރަށް ފުނުގައި އުޅޭ މަހެކެވެ. ހިމަ ދިގުކޮށް އޮންނަ މި މަސް ކަނޑުގެ ތިލަ ހިސާބުތަކުން ފެނިފައިވަނީ ވަރަށް މަދުންނެވެ. މިމަހަކީ 56 ފޫޓަށް ބޮޑުވާ މަހެކެވެ. މިމަސް އާއްމުގޮތެއްގައި އުޅެނީ ކަނޑުގެ 656 އާއި 3200 ފޫޓު އަޑީގައެވެ.
އޯފިޝްއާއި އެކު އޮސްޓްރޭލިއާގެ 2 މަސްވެރިން ނަގާފައިވާ ފޮޓޯއަށް ސޯޝަލް މީޑިއާގައިވަނީ ބޮޑު ސަމާލުކަމެއް ލިބިފައެވެ.
