ޅ. މަޑިވަރުގައި ކުރެއްދޫ ހޯލްޑިންސް އިން ތަރައްގީކޮށް، އައިލެންޑް އޭވިއޭޝަން (އައިއޭއެސް)އާ ހަވާލުކޮށްގެން ހިންގާ އެއާޕޯޓު ހިންގުމަށް އެ ކުންފުންޏާ އެކު ވެފައިވާ އެއްބަސްވުން އާ ނުކުރަން ނިންމައިފި އެވެ.
ޅ. އަތޮޅުގައި އެންމެ ގިނަ ރިސޯޓު ހިންގާ ޗަމްޕާ އާއިލާގެ ކުރެއްދޫ ހޯލްޑިންސް އިން މަޑިވަރުގައި ތަރައްގީ ކުރި އެއާޕޯޓު ހުޅުވީ 2021 ވަނަ އަހަރު އެވެ. އެ އެއާޕޯޓަށް ދަތުރުކުރަނީ މޯލްޑިވިއަނުން އެކަންޏެވެ.
އެނގިފައިވާ ގޮތުގައި، އައިއޭއެސްއާއެކު ކުރެއްދޫ ހޯލްޑިންސް އިން ހަދާފައިވާ އެއްބަސްވުން އާ ނުކުރަން އެ ކުންފުނިން ވނީ ނިންމައިފައެވެ.
ޕީއެސްއެމްގައި އައިއޭއެސްއާ ހަވަލާދީ ބުނެފައިވަނީ، އެ ކުންފުނިން ހަދާފައިވާ އެއްބަސްވުން އާ ނުކުރި ނަމަވެސް މަޑިވަރު އެއާޕޯޓުގައި މަސައްކަތްކުރާ މުވައްޒަފުން ވަޒީފާގައި ދެމިތިބޭނެ ކަމަށެވެ. އެ އެއާޕޯޓުގައި 22 މުވައްޒަފުން މަސައްކަތް ކުރެ އެވެ.
