މިހާރު ކުރެވެމުންދާ މަސައްކަތްތަކާއި ރާއްޖޭގެ ޕްރޮސެސިންގ ކެޕޭސިޓީ 9 ގުނަ އިތުރުވެގެންދާނެ ކަމަށް މަސްވެރިކަމާއި ކަނޑުގެ ވަސީލަތްތަކާއި ބެހޭ ވަޒީރު އަޙުމަދު ޝިޔާމް ވިދާޅުވެއްޖެއެވެ.
ވަޒީރު މިހެން ވިދާޅުވީ، އެ ވުޒާރާގެ މަސައްކަތްތަކާއި ގުޅޭގޮތުން ރައީސުލްޖުމްހޫރިއްޔާގެ އޮފީހުގައި ބޭއްވި ނޫސްވެރިންގެ ބައްދަލުވުމުގައެވެ.
ކުރެވެމުންދާ މަސައްކަތްތަކާއި ގުޅޭ ތަފްސީލްތައް
ފެލިވަރު ފެސިލިޓީއަށް 100 ޓަނުގެ އިތުރުކުރުން
ފ. ނިލަންދޫގައި 100 ޓަނުގެ ފެސިލިޓީއެއް
ގދ. ފިޔޯރީގައި 100 ޓަނުގެ ފެސިލިޓީއެއް
ވަޒީރު އަޙުމަދު ޝިޔާމް ވިދާޅުވީ މި މަސައްކަތާއި އެކު ރާއްޖޭގެ ޕްރޮސެސިންގ ކެޕޭސިޓީ 9 ގުނަ އިތުރުވެގެންދާނެ ކަމަށެވެ. އަދި މީގެއިތުރުން ކޯލްޑު ސްޓޯރޭޖު 3 ގުނަ އިތުރުވެގެންދާނެ ކަމަށެވެ.
އަދި މިއީ ރާއްޖޭގެ ތާރީޙުގައިވެސް މަސްވެރި ސިނާއަތަކަށް ސަރުކާރަކުން ގެންނާނެ އެންމެ ބޮޑު އިންގިލާބީ ބަދަލުކަން ވަޒީރު ފާހަގަކުރެއްވިއެވެ.
ވަޒީރު ފާހަގަކުރެއްވިގޮތުގައި ފެލިވަރު ތަރައްޤީކުރުމަށް މިހާގިނަ ޒަމާންވީ އިރުވެސް އެދެވޭ މަސައްކަތްތަކެއް ކުރެވިފައިނުވާ ކަމަށެވެ. އެހެން ނަމަވެސް މި ސަރުކާރުން ފެލިވަރު ތަރައްޤީކުރުމުގެ މަސައްކަތަށް ހާއްސަ އިސްކަމެއް ދެއްވާ ކަމަށެވެ.
