ގިނަ ހިދުމަތްތައް އެއް ސެންޓަރަކުން ލިބޭގޮތަށް، ރާއްޖޭގެ ނޭޝަނަލް އިމަޖެންސީ ކޯލް ސެންޓަރު 911 މިރޭ އިފުތިތާހު ކޮށްފިއެވެ.
އެ ކަން އިފްތިހާހުކުރަން ބޭއްވި ޖަލްސާގައި ހޯމްލޭންޑް މިނިސްޓަރު އަލީ އިހުސާން ވިދާޅުވީ ނޭޝަނަލް އިމަޖެންސީ ކޯލް ސެންޓަރުގެ ނަންބަރު 911ގެ ގޮތުގައި ރައީސް ޑރ. މުހައްމަދު މުއިއްޒު ކަނޑައެޅުއްވީ އެއީ އެންމެންވެސް ދަންނަ ނަންބަރަކަށް ވާތީ ކަމަށެވެ.
މިނިސްޓަރު ވިދާޅުވީ، އެ ހިދުމަތް ކުރިއަށް އޮތް ދުވަސްތަކުގައި ފުޅާ ކުރާބެ ކަމަށެވެ. އަދި އެ ހިދުމަތް އިތުރަށް ފުޅާކުރުމަށް ޓަކައި، ކޯލް ސެންޓަރުގައި މަސައްކަތްކުރާ މުވައްޒަފުންނަށް ރާއްޖެއިންނާ ރާއްޖޭން ބޭރުން ވެސް ތަމްރީނުތައް ދޭނެ ކަމަށް ވިދާޅުވިއެވެ.
ދުނިޔޭގެ ވަރަށް ގިނަ ގައުމުތަކެއްގައި އިމަޖެންސީ ސާވިސް ނަންބަރެއްގެ ގޮތުގައި 911 ބޭނުން ކުރެއެވެ.
އިމަޖެންސީ ޚިދުމަތްތައް އެއް ނަންބަރެއްގެ ދަށުން ލިބޭނެ ގޮތް ހަމަޖެއްސެވުމަކީ ރައީސް މުއިއްޒުގެ ރިޔާސީ ވައުދުފުޅެކެވެ
މިރޭ އިފުތިތާހު ކުރި އިމަޖެންސީ ކޯލް ސެންޓަރުގެ ދަށުން، ފުލުހުން، އެމްއެންޑީއެފް، އެމްބިއުލާންސް، ކޯސްޓްގާޑު އަދި ފަޔާ އެންޑް ރެސްކިޔު ސާވިސްގެ ޚިދުމަތްތައް ލިބިގެންދާނެއެވެ.
