ރާއްޖޭގައި ހިނގި މިޔަރު ހަމަލާ ދިނުމުގެ ހާދިސާއެއްް ވީޑިއޯ އާއްމުވެއްޖެއެވެ.
ވީޑިއޯ އިން ފެންނަނީ މާލެ ކައިރީގައި ޑިވިންގއަށް ގޮސް އުޅުނު ފަތުުރުވެރިއަކަށް މިޔަރެއް ހަމަލާދޭ މަންޒަރެވެ. މިޔަރު ކުއްލިޔަކަށް ހަމަލާދީ ފަތުރުވެރިޔާގެ ބޯ ކާލުމަށް މަސައްކަތް ކުރެއެވެ.
އަދި ވީޑިއޯއިން ފެންނަ ގޮތުގައި ސިކުންތުކޮޅެއްވަންދެން އެމީހާގެ ބޯ މިޔަރުގެ އަނގަތެރޭގައި ތާށިވެފައި އޮވެއެވެ. އޭތި ކައިރިން ސަލާމަތްވާން ގިނަ މަސައްކަތްތަކެއް ކުރާ މަންޒަރުވެސް ފެނެއެވެ.
އެމީހާގެ ނަސީބު ރަނގަޅުކަމުން މިޔަރު އެމީހާގެ ބޮލުން ދޫކޮށްލާފައިއެތަނުން ދެއެވެ. މި ހާދިސާގެ ވީޑިއޯތައް ދުނިޔޭގެ މަަޝްހޫރު ނޫސްތައް ކަމަށްވާ " ދަ ސަން" އަދި "ޑެއިލީ މެއިލް" އަށްވެސް ވަނީ އަރާފައެވެ.
މި ހާދިސާ ހިނގި ތާރީޙެއް މި ޚަބަރުތަކުގައި ބުނެފައިނުވެއެވެ. އެހެން ނަމަވެސް މިމަހުގެ މެދުތެރޭގައި ޗައިނާ ފަތުރުވެރިއަކަށް ވަނީ މިޔަރެއްް ހަމަލާދިނުމުގެ ހާދިސާއެއް ރިޕޯޓުކޮށްފައެވެ. އެހެންކަމުން މި ވީޑިއޯއިން ފެންނަނީ އެ ހާދިސާކަމަށްވުން އެކަށީގެންވާ ކަމަށް ދަ ސަން ގައި ބުނެފައިވެއެވެ.
