ކިލާ ވޭލްތައް ކަނޑުގައި އުޅޭ އެންމެ ބޮޑު މަސް ކަމަށްވާ ފެހުރިއްސަށް ހަމަލާދީ އޭތި ކައި އުޅޭކަމަށް ސައިންސްވެރިން ބުނެފިއެވެ.
ސައިންސްވެރިން ބުނީ އޯރްކާ ނުވަތަ ކިލާ ވޭލްތައް ފެހުރިއްސަށް ޝިކާރަކުރާކަން އެންގުމާއި އެކު އެކަމާއި ގުޅޭ ދިރާސާތައް ކުރިއަށްގެންދިޔަ ކަމަށެވެ. އަދި ދިރާސާތަކުން އެނގުނުގޮތުގައި ފެހުރިހައަށް ކިލާވޭލްތައް ހަމަލާދެނީ ހާއްސަ ޓެކްނީކެއް ބޭނުންކޮށްގެންނެވެ.
ފެހުރިއްސަކީ ސައިޒުން ބޯޑު މަހަކަށްވިއަސް، އޭގެ ދަތްތައް ކުދިވުން ފަދަ ކަންތައްތަކާއި އެކު ޑިފެންސް އަށް ކުރެވޭނެ މާ ގިނަ ކަންތައްތަކެއް ނޯވެއެވެ. ކުރެވެން އޮންނަ ކަމަކީ ކުއްލިއަކަށް އަޑިއަށް ދިޔުމެވެ.
އެހެންކަމުން ކިލާ ވޭލްތައް ފެހުރިއްސަށް ޝިކާރަކުރާއިރު ބޭނުން ކުރާ އެކުޅަނީ އޭގެ ދަށް ބަނޑާ ދިމާއިން ހަމަލާ ދިނުމެވެ. މިހެން ހެދުމުން އޭތި ގައިން ކުއްލިއަކަށް ގިނަ އަދަދެއްގެ ލޭތައް ބޭރުވާން ފަށައެވެ. އަދި ހަނިގަނޑުން ވަރުދޫވެ ފުށުން ޖެހެއެވެ. އަދި މި ހާލަތަށް ދިޔުމާއި އެކު ކިލާ ވޭލްތައް ހުޝިޔާރުކަމާއި އެކު އޭގެ ގުނަވަންތައް އަވަހަށް ކާލައެވެ.
ސައިންވެރިންވަނީ 2018 އިން ފެށިގެން 2024އަށް ކިލާ ވޭލްގެ މިފަދަ ހާދިސާތައް ރެކޯޑުކޮށްފައެވެ. އަދި ސައިންސްވެރިންގެ ދިރާސާވަނީ ފްރޮންޓިއާސް އިން މެރިން ސައިންސްގައި ޝާޢިއުކޮށްފައެވެ.
