ފައިސާ ނުދީގެން މަންމަ އާއި ކޮއްކޮއަށް ވަޅިން ހަމަލާދޭނެ ކަމަށް ބުނެ އިންޒާރު ދިން މައްސަލައެއްގައި ދިވެހި ފިރިހެނަކު ހައްޔަރުކޮށްފިއެވެ.
މި މައްސަލައިގައި ހައްޔަރުކޮށްފައިވަނީ މާލެއަށް ނިސްބަތްވާ އުމުރުން 32 އަހަރުގެ މީހެކެވެ.
ތޫނު ހަތިޔާރުން ބިރުދެއްކި މައްސަލައެއްގައި ހައްޔަރުކޮށްފައިވާ އެ މީހާގެ ބަންދަށް މިއަދު ކްރިމިނަލް ކޯޓުން ވަނީ ހަތް ދުވަސް ޖަހައިފައެވެ.
އޭނާގެ ބަންދު އަމުރުން އެނގޭ ގޮތުގައި އޭނާ ވަނީ، މަންމަ އަދި ކޮއްކޮއަށް ވަޅިން ހަމަލާދޭނެ ކަމަށް ބުނެ އިންޒާރު ދީފައެވެ. އަދި އޭނާގެ ކޮޓަރި ތެރެއިން ދެ ވަޅި ފެނުނު ކަމަށް ބުނެފައިވާއިރު، އިންޒާރު ދިނުން ގުޅިފައި ވަނީ އޭނާ ބުނެގެން ފައިސާ ނުދީގެން ކަމަށްވެސް ބުނެފައި ވެއެވެ.
