ވައި ބާރުވެ ކަނޑުތައް ގަދަވާނެ ކަމަށް ލަފާކޮށް މުޅި ރާއްޖެއަށް ހުދު ސަމާލު ނެރެފިއެވެ.
މޫސުމާއި ބެހޭ ޤައުމީ އިދާރާއިން ހުދު ސަމާލު ނެރެފައިވަނީ 18:30 އިން 1:00 އަށެވެ. މެޓުން ބުނީ ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައި ޖެހުން އަދި ވިލާގަނޑުގައި ގަޑިއަކު 40 މޭލަށް ވައި ގަދަވެ، ކަނޑުތައް ގަދަވާނެ ކަމަށް ލަފާކުރެވޭ ކަމަށެވެ.
މިހާރު ކުރަމުންދާ ވިއްސާރައަކީ ރާއްޖޭގެ ސަރަހައްދުގައި އުފެދިފައިވާ ބާރުގަދަ ކޮޅިގަނޑު ތޫފާނަކަށް ބަދަލުވުމާއި ގުޅިގެން ކުރަމުންދާ ވިއްސާރައެކެވެ. މި ތޫފާން މިހާރު ދަތުރުކުރަމުންދަނީ އިންޑިއާގެ ޓަމިލްނާޑޫގެ އައްސާރިފަށާއި ދިމާލަށްކަމަށާއި، މިހާރު ކުރަމުންދާ ވިއްސާރައަކީ އެ ތޫފާނުގެ ނުސީދާ އަސަރުގެ ސަބަބުންކުރާ ވިއްސާރަކަމަށް މެޓުން ބުނެއެވެ.
މޫސުމާއި ބެހޭ ގައުމީ އިދާރާއިން މިއަދުގެ އެކި އިރު ތަކުގައި، އަދި ފާއިތުވީ 2 ދުވަހުވެސް ވަނީ އެކި ސަމާލުތައް ނެރެފައެވެ.
