މަސްވެރިންނަސް ބީއެމްއެލް މެދުވެރިކޮށް ފަސޭހައިން މާލީ އެހިއަށް އެދެވޭ، "މަސްވެރިޔާ ޕޯޓަލް" މިއަދު އިފުތިތާހުކޮށްފިއެވެ.
މި ޕޯޓަލް އިފުތިތާހުކޮށްފައި ވަނީ، މިރޭ ރ. ދުވާފަރުގައި ބާއްވާ މަސްވެރިންގެ ދުވަހުގެ ޚާއްސަ ޖަލްސާގެ ތެރެއިން ޓްރާންސްޕޯޓް މިނިސްޓަރު މުހައްމަދު އަމީންއެވެ.
މި ޕޯޓަލް މެދުވެރިކޮށް ބީއެމްއެލް އިސްލާމިކް ފައިނޭންސްގެ ގިނަ ޕްރޮޑަކްޓް ތަކަކަށް އެދެވޭނެކަމަށް ބީއެމްއެލްއިން ވަނީ ބުނެފައެވެ. މި ޕޯޓަލް މެދުވެރިކޮށް ފައިނޭންސަށް އެދެވޭނީ މަސްވެރިންގެ ދަފުތަރުގައި ރަޖިސްޓްރީ ވެފައިވާ މަސްވެރިންނަށެވެ. މި ޕޯޓަލް މެދުވެރިކޮށް ،މަސްވެރިންނަށް ލިބޭނެ ޚިދުމަތްތަކުގެ ތެރޭގައި:
- ގެދޮރު ގަތުމަށް
- ގެދޮރު އިމާރާތް ކުރުމަށާއި މަރާމާތު ކުރުމަށް
- މަތީ ތައުލީމު ހާސިލްކުުރުމަށް
- އުޅަނދު ބަނުމާއި މަރާމާތު ކުރުމަށް
- ގެސްޓްހައުސް ވިޔަފާރިއަށް އިންވެސްޓް ކުރުމަށް
- ލުއި ފައިނޭންސިން: މަސްވެރިކަމަށް ބޭނުންވާ ސާމާނު ގަތުމަށް ނުވަތަ އެހެން ބޭނުންތަކަށް ދުކުރެވޭ އެހީ
މިރޭގެ ޖަލްސާގައި ވަނީ، މަސްވެރިންނަށް އައިސްޕްލާންޓު ތަކުގައި އައިސް ހުރި މިންވަރު ފަސޭހައިން ބެލޭނެ އައިސްޕްލާންޓް މޮޑިއުލް ވެސް ތައާރަފުކޮށްފައެވެ. މި މޮޑިއުލް ތައާރަފުކޮށްދެއްވީ ހޯމް މިނިސްޓަރު އަލީ އިހުސާނެވެ.
