މިފްކޯއިން މަސްވެރިންނަށް ވިއްކާ ޑީސަލްގެ އަގު ހެޔޮކޮށްފިއެވެ.
މިފްކޯއިން ތެލުގެ އަގަށް ގެނައި ބަދަލާއެކު ތެޔޮ ލީޓަރަކުން 44 ލާރި އަގު ހެޔޮވާނެއެވެ. މާދަމާއިން ފެށިގެން އެކުންފުނިން މަސްވެރިންނަށް ޑީސަލް ލިޓަރެއް ވިއްކުމަށް ހަމަޖެހިފައިވަނީ 6 ރުފިޔާ 89 ލާރިއަށެވެ. މީގެ 5 ދުވަސް ކުރިންވެސް މިފްކޯއިން ވަނީ ތެލުގެ އަގު 7 ރުފިޔާ 33 ލާރިއަށް ހެޔޮކޮށްފައެވެ. އެއާއެކު މިފްކޯގެ އެންމެ ވާދަވެރި ކުންފުނިކަމަށްވާ ހޮރައިޒަން ފިޝަރީޒުން ތެލުގެ އަގު ދަށްކޮށް މިފްކޯއިން ވިއްކާ އަގަށްވުރެ ހެޔޮކޮށް މަސްވެރިންނަށް ތެޔޮ ވިއްކަން ފަށިއެވެ. ހޮރައިޒަން ފިޝަރީޒުން ތެޔޮ ވިއްކަނީ 7 ރުފިޔާ 10 ލާރިއަށެވެ. މިފްކޯއިން ތެލުގެ އަގަށް ގެނައި ބަދަލާއެކު މަސްވެރިންނަށް އެންމެ ހެޔޮ އަގުގައި ޑީސަލް ފޯރުކޮށްދޭނީ އެކުންފުނިންނެވެ.
ތެލުގެ އަގަށް ގެނައި ބަދަލާއެކު މި ދެކުންފުނިންވެސް މަސްވެރިން ނޫން ފަރާތްތަކަށް ޑީސަލް ލިޓަރެއް ވިއްކާނީ 13 ރުފިޔާއަށެވެ.
