ރޯދަ މަހުގެ ކަރަންޓު ބިލުތަކަށް ލުޔެއް ދިނުމަށް ރައީސް ޑރ. މުހައްމަދު މުއިއްޒު ނިންމަވާފައިވާތީ، އެ މަހަށް ވަކި ބިލެއް ތައްޔާރުކުރުމަށްޓަކައި މީޓަރުތަކުގެ ރީޑިން ނެގުމުގެ މަސައްކަތް ފެށުމަށް ސްޓެލްކޯއިން ނިންމައިފިއެވެ.
ސްޓެލްކޯއިން މިއަދު އެކްސްގައި ކުރި ޕޯސްޓެއްގައި ބުނީ ޑިސްކައުންޓާއެކު ބިލުތައް ތައްޔާރުކުރުމަށްޓަކައި ރީޑިން ނެގުމުގެ މަސައްކަތް ކުރިއަަށްދަނީ މިމަހުގެ 16 އަދި 17 ވަނަ ދުވަހު ކަމަށެވެ.
ސްޓެލްކޯއިން ބުނީ އެ މުއްދަތުގެ ތެރޭގައި ކަނޑައަޅައިފައިވާ ސަރަހައްދުތަކުގެ މީޓަރުތަކުގެ ރީޑިން ނެގުމުގެ މަސައްކަތް އެ ކުންފުނީގެ މުވައްޒަފުން ކުރިއަށް ގެންދާނެ ކަމަށެވެ.
ރައީސް ވަނީ އަންނަ ރޯދަ މަހުގެ ކަރަންޓު ބިލުން ގިނަވެގެން ނަގާނީ 400 ރުފިޔާ ކަމަށް ވިދާޅުވެފައެވެ.