ގިނަ ބަޔަކާއެކު ސިޔާސީ ޕާޓިތަކުން ކުރިއަށްގެންދިޔަ ފޯރިގަދަ ލޯކަލް ކައުންސިލް އިންތިހާބުގެ ކެމްޕޭން ހަރަކާތްތައް ނިންމާލައިފިއެވެ.
ކެމްޕޭން ކުރުމުގެ ވަގުތު މިއަދު އިރުއޮއްސި 6 އަކަށް ހަމަވިއިރު އެންމެ ބޮޑު ޕާޓީ ކަމަށްވާ، ސަރުކާރު ހިންގާ މައި ޕާޓީ ޕީޕަލްސް ނޭޝަނަލް ކޮންގްރެސް، ޕީއެންސީއާއި މޯލްޑިވިއަން ޑިމޮކްރެޓިކް ޕާޓީ، އެމްޑީޕީއިން ވަނީ މާލޭގެ ބޮޑެތި މަގުތަކުގައި ކެމްޕޭން ނިންމުމަށް ހާއްސަ ހިނގާލުމެއް ބާއްވާފައެވެ.
ޕީއެންސީން ބޭއްވި ހިނގާލުމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ދެކަނބަލުންނާއި ސަރުކާރުގެ ލީޑަރޝިޕްގެ ބޭފުޅުން ބައިވެރިވެފައިވާއިރު، އެތައް ސަތޭކަ ބަޔަކު ވަނީ އެ އެއްވުމުގައި ބައިވެރިވެފައެވެ.
ނަމަވެސް އެމްޑީޕީގެ ހިނގާލުމުގައި ބައިވެރިވެފައިވަނީ މަދު އަދަދެއްގެ ބައެކެވެ.
ސިޔާސީ މަޝްރަހު ދިރާސާ ކުރައްވާ ބޭފުޅުން ވިދާޅުވާ ގޮތުގައި މާދަމާ ބާއްވާ ލޯކަލް ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތް ކުރާ އިންތިހާބާ ނިޒާމީ ވޯޓުންވެސް ބޮޑު ކުރިއެރުމެއް ހޯދާނީ ޕީއެންސީންނެވެ.