މަސްވެރިކަމުގެ މެނޭޖްމަންޓް ޕްލޭންތަކަށް ޚިޔާލު ހުށަހެޅުމުގެ ފުރުޞަތު އާންމުންނަށް ހުޅުވާލައިފިއެވެ.
މިނިސްޓްރީ އޮފް ފިޝަރީޒް މެރިން ރިސޯސަސް އެންޑް އެގްރިކަލްޗަރއިން ޚިޔާލު ހުށައެޅުމުގެ ފުރުޞަތު ހުޅުވާލާފައިވަނީ މަސްވެރިކަމުގެ ޤާނޫނުގެ ދަށުން އެ މިނިސްޓްރީން ހަދަމުންދާ މެނޭޖްމަންޓް ޕްލޭންތަކުގެ ތެރެއިން 3 ޕްލޭނަކަށެވެ. އެއީ "ދިވެހިރާއްޖޭގެ ފާނަ މެނޭޖްކުރުމާއިބެހޭ ޕްލޭން" އާއި "ދިވެހިރާއްޖޭގެ ހުއިފިލަނޑާ މެނޭޖްކުރުމާއިބެހޭ ޕްލޭން" އަދި "ދިވެހިރާއްޖޭގެ ހިބަރުގެ މަސްވެރިކަން މެނޭޖްކުރުމާއިބެހޭ ޕްލޭން"އެވެ.
ދިވެހިރާއްޖޭގެ ހުއިފިލަނޑާ، ފާނަ އަފި ހިބަރު މޭނޭޖްކުރުމާބެހޭ ޕްލޭން އާއްމުންގެ ޚިޔާލަށް މިއަދު ވަނީ ހުޅުވާލެވިފައި. ޚިޔާލު ހުށަހެޅުމުގެ ސުންގަޑިއަކީ 6 ސެޕްޓެމްބަރު 2020 ގެ ހެނދުނު 10:00 އެއް. https://t.co/8cTnJPGmbB pic.twitter.com/9aCgADtVWU
— Min. of Fisheries, Marine Resources & Agriculture (@MoFMRAmv) August 27, 2020
މި މެނޭޖްމަންޓް ޕްލޭންތަކަށް ޙިޔާލު ހުށަހަޅަން ބޭނުންވާ ފަރާތްތަކަށް އަންނަ ސެޕްޓެމްބަރ މަހުގެ 6 ވާ އާދިއްތަ ދުވަހުގެ ހެނދުނު 10:00އާ ހަމައަށް ވަނީ ހުޅުވާލާފައެވެ. ޚިޔާލު ހުށަހަޅަން ޖެހެނީ މިނިސްޓްރީން އެކަމަށްޓަކައި ކަނޑައަޅާފައިވާ ފޯމަކުން އީމެއިލް މެދުވެރިކޮށެވެ.
ފިޝަރީޒް މިނިސްޓްރީން ވަނީ އެހެނިހެން ބާވަތުގެ މަސްވެރިކަމުގެ ޕްލޭންތަކާއިމެދު ވެސް އާންމުންގެ ހިޔާލު ހޯދަން ހުޅުވާލާނެކަމަށް ވިދާޅުވެފައެވެ. އެ މިނިސްޓްރީން ދަނީ ރާއްޖޭގެ މަސްވެރިކަމުގެ ސިނާއަތް ކުރިއަރުވައި ޒުވާނުން މަސްވެރިކަމަށް ނެރުމަށްޓަކައި ގިނަ މަސައްކަތްތަކެއް ކުރަމުންނެވެ.