މާލޭގައި އެކްސިޑެންޓެއް ހިނގައި ދެ ޒުވާނަކަށް ބޮޑެތި އަނިޔާތަކެއް ވެއްޖެއެވެ.
ފުލުހުން ބުނީ މި އެކްސިޑެންޓް ހިނގާފައި ވަނީ މާލޭ ބޮޑުތަކުރުފާނު މަގާއި ހިތިގަސް މަގު ގުޅޭ ސަރަހައްދުގައި ކަމަށެވެ. ކާރަކާއި ސައިކަލެއް ޖެހި ހިނގި މި އެކްސިޑެންޓުގެ ރިޕޯޓު ލިބުނީ މިއަދު މެންދުރުފަހު 14:16 ކަންހާއިރު ކަމަށް ފުލުހުން ބުންޏެވެ.
ފުލުހުން ބުނީ، މި އެކްސިޑެންޓް ހިނގީ ބާރު ސްޕީޑްގައި ދުއްވި ސައިކަލެއް ކާރުގެ ފަހަތުގައި ޖެހުމުގެ ސަބަބުން ކަމަށެވެ. މި އެކްސިޑެންުގައި ހިމެނޭ ސައިކަލުގައި ތިބި ދެ ޒުވާނުންނަށް އެކި ވަރުގެ އަނިޔާތައް ލިބިފައި ވާކަމަށް ފުލުހުން ބުންޏެވެ. އެމީހުންނަށް މިހާރު ދަނީ އައިޖީއެމްއެޗްގައި ފަރުވާދެމުންނެވެ.
މި މައްސަލަ މިހާރު ފުލުހުން ގެންދަނީ ތަހުގީގު ކުރަމުންނެެވެ.
