މިސަރުކާރުން މަސްވެރިންނަށް ވި ވައުދުތައް ނުފުއްދަވާ ހުރި ސަބަބުތައް ހޯދުމަށް ކާށިދޫ ދާއިރާގެ މެންބަރު އަބްދުﷲ ޖާބިރު، ފިޝަރީޒް މިނިސްޓަރާއި ސުވާލުކުރެއްވުން މިއަދު ބާއްވާ ރައްޔިތުންގެ މަޖިލީހުގެ ޖަލްސާއަށް އެޖެންޑާކޮށްފިއެވެ.
ކާށިދޫ ދާއިރާގެ މެންބަރު އަބްދުﷲ ޖާބިރު، މިނިސްޓަރ އޮފް ފިޝަރީޒް، މެރިން ރިސޯސަސް އެންޑް އެގްރިކަލްޗަރ އަލްފާޟިލާ ޒަހާ ވަޙީދާއި ސުވާލުކުރެއްވުމަށް އެޖެންޑާ ކޮށްފައިވަނީ، މާދަމާ ބާއްވާ ރައްޔިތުންގެ މަޖިލީހުގެ މިއަހަރުގެ 3 ވަނަ ދައުރުގެ 4 ވަނަ ޖަލްސާގައި ވަޒީރުންނާއި ސުވާލުކުރެއްވުމުގެ ބައިގައެވެ.
ކާށިދޫ ދާއިރާގެ މެންބަރު ޖާބިރު، ފިޝަރީޒް މިނިސްޓަރާއި ކުރައްވާ ސުވާލުތަކުގެ ތެރޭގައި ދިވެހި ސަރުކާރުން ޗައިނާއާއިއެކު ހަދާފައިވާ ފްރީ ޓްރޭޑް އެގްރިމެންޓްގެ ދަށުން، ދިވެހި މަސްވެރިންނަށް ލިބެންޖެހޭ މަންފާތައް ހިފަހައްޓައި، މަސްވެރިކަމުގެ ދޮރުތައް ބަންދުކޮށްފައިވާ ސަބަބު ހޯދުމަށް ވަނީ ހުށަހަޅުއްވާފައެެވެ. އަދި ސަރުކާރުން މަސްވެރިންނަށް ވި ވައުދުތައް ނުފުއްދައި، މަސްވެރިން މަގުމަތިކޮށް ނިކަމެތި ކުރަމުންދާއިރު، މި ވައުދުތައް ނުފުއްދަވާ ވަނީ ކީއްވެތޯ ބެލުމަށް ސުވާލު ކުރެއްވުމަށްވެސް ހުށައަޅުއްވާފައިވެއެވެ.
