މަސްތުވާތަކެތީގެ ބޮޑު އޮޕަރޭޝަނެއްގައި ކަންނެލި ދޯންޏަކުން 100 ކިލޯއަށްވުރެ ގިނަ މަސްތުވާތަކެތި ހޯދައިފިއެވެ.
ފުލުހުން މި މަސްތުވާތަކެތި ހޯދާފައިވަނީ، ހުޅުމާލޭ ކައިރީގައި އޮތް ކަންނެލި ދޯންޏަކުންނެވެ. މި އޮޕަރޭޝަނާއި ގުޅޭގޮތުން ކޮމިޝަނަރ އޮފް ޕޮލިސް މުހައްމަދު ހަމީދު ކުރެއްވި ޓުވީޓެއްގައި ވިދާޅުވެފައިވަނީ، މި އޮޕަރޭޝަންގައި ހޯދި މަސްތުވާތަކެތީގެ ތެރޭގައި ހެރޮއިންއާއި މެތަފެޓަމިން ހިމެނޭ ކަމަށެވެ. އަދި މިއޮަޕަރޭޝަން ކުރިޔަށް ގެންގޮސްފައިވަނީ، ފުލުހުންގެ ޑްރަގް އެންފޯސްމަންޓް ޔުނިޓާއި، މެރިން ޕޮލިސް ގުޅިގެން ކަަމަށްވެސް ސީޕީ ވަނީ ވިދާޅުވެފައެވެ.
DED, supported by Drug Intelligence & Marine Police have seized over 100 kgs of heroin & methamphetamine from a boat nearby HulhuMale’ this morning. The social and economic impact from narcotic drug trafficking is high. We will continue efforts to disrupt the drug trade. pic.twitter.com/1A6iSNwEfh
— Mohamed Hameed (@M_Hameedh) October 12, 2020
މި އޮޕަރޭޝާނާއި ގުޅިގެން ހުޅުމާލެ އެކިސަރަހައްދުތައް ބަލައި، ފާސްކުރުމުގެ މަސައްކަތް މިހާރުދަނީ ކުރަމުންނެވެ.
ފުލުހުންވަނީ، ފާއިތުވި ހަފްތާގައި އައްޑޫ ސިޓީގައިވެސް މަސްތުވާތަކެތީގެ ބޮޑު އޮޕަރޭޝަނެއް ހިންގާފައެވެ. އެއޮޕަރޭޝަންގައިވެސް ގާތްގަނޑަކަށް 98.6 ކިލޯގެ މަސްތުވާތަކެތި ހޯދާފައިވެއެވެ.
