ދިވެހިރާއްޖޭގައި އުފައްދާ މަހުގެ ބާވަތްތައް، ސްރީލަންކާއަށް އެތެރެ ކުރުމުގައި އެއްވެސް ހުރަހެއް ނެތްކަމަށް ފޮރިންގ މިނިސްޓަރު އަބްދުﷲ ޝާހިދު ވިދާޅުވެއްޖެއެވެ.
މިނިސްޓަރު ޝާހިދު މިހެން ވިދާޅުވީ، އެހެން ޤައުމުތަކުން އުފައްދާ މަހުގެ ބާވަތްތައް ލަންކާއަށް އެތެރެ ނުކުރުމަށް ލަންކާ ޝަރުކާރުން މަޝްވަރާ ކުރަމުން ގެންދާ ދަނޑިވަޅެއްގައެވެ.
މިކަން ހާމަކޮށް މިނިސްޓަރު ޝާހިދު ކުރެއްވި ޓްވީޓެއްގައި ވިދާޅުވީ ލަންކާގެ ފޮރިން މިނިސްޓަރާއި ފިޝަރީޒް މިނިސްޓަރާ ކުރެއްވި މަޝްވަރާތަކުގައި، ރާއްޖޭގެ މަސް، އެ ގައުމަށް އެތެރެ ކުރުމުގައި އެއްވެސް ހުރަހެއް ނޯންނާނެ ކަމުގެ ޔަގީންކަން ދީފައިވާ ކަމަށެވެ. އަދި އެކަމަށްޓަކައި މިނިސްޓަރު ޝާހިދު ވަނީ ޝުކުރު އަދާކުރެއްވި އެވެ.
Following discussions with my good friend, Hon. FM of Sri Lanka @DCRGunawardena, Min. of Fisheries Hon. Douglas Devananda MP & Hon. State Minister of Finance @an_cabraal assures Maldives that there are no restrictions for #Maldives fish imports to Sri Lanka.
Thank you #SriLanka!— Abdulla Shahid (@abdulla_shahid) October 16, 2020
ސްރީލަންކާގެ ވިޔަފާރި އާއި އިޤްތިޞާދު ހިމާޔަތް ކުރުމަށް އެ ގައުމުން އަޅާ ފިޔަވަޅުތަކުގެ ތެރޭގައި، އެހެން ގައުމުތަކުން ލަންކާއަށް މަސް އެތެރެކުރުން ހުއްޓާލަން ޖެހިދާނެ ކަމަށް އެ ގައުމުގެ ސަރުކާރުން ބުނެފައިވާތީ، ލައްކާ ސަރުކާރުގެ މި ނިންމުމާ ގުޅިގެން ރާއްޖޭގައި ހިކިމަހާއި ލޮނުމަސް އުފައްދާ ފަރާތްތަކުން ދިޔައީ ކަންބޮޑުން ފާޅުކުރަމުން ނެވެ.
ރާއްޖޭގައި އުފައްދާ ހިކިމާއި، ލޮނުމަސް ޒަމާނުއްސުރެ އެކްސްޕޯޓް ކުރަނީ ސްރީލަންކާއަށެވެ.
