ގދ. ފަރެސްމާތޮޑާ "ސަފީނާ" އަކީ ދޮށީގެ މަސްވެރިކަމަށް މަޝްހޫރު ދޯންޏެކެވެ.
އެންމެ ޒަމާނީ ވަސީލަތްތަކާއެކު މަސްވެރިކަން ކުރާ މި ދޯނީގައި މަސް ފިނިކުރާ "އާރު.އެސް.ޑަބްލިޔު" ސިސްޓަމްއާއި ފެން ޕްލާންޓާއި، ދޫނި ރާޑަރު ފަދަ ވަސީލަތް ތައް ހިމެއެވެ. މީގެ 4 އަހަރު ކުރިން މަހަށް ނިކުން، 108 ފޫޓުގެ ދިގު މި ދޯނި ގަޑިއަކު 14 މޭލު ދުވެއެވެ. ދޯނީގެ އިންޖީނަކީ 720 ހޯސްޕަވަރުގެ އިންޖީނެކެވެ. 30 މަސްވެރިންނާއެކު މަހައްދާ މި ދޯނި އެއްދުވަހުން އެންމެ ގިނައިން ބާނާފައިވަނީ 44 ޓަނެވެ.
ސަފީނާ ދޯނީގެ ކެޔޮޅަކީ ގދ. ފަރެސްމާތޮޑާ ސެއްލެ ހުސައިން މަނިކެވެ.
