ހިޔާ ފްލެޓު ލިބުނު އެންސިސް ފިޝަރީޒްގެ މުވައްޒަފުންނަށް އިންޓްރެސްޓް ނުހިމެނޭ ލޯނުތަކެއް އެކުންފުނިން ދޭން ނިންމައިފިއެވެ.
އެންސިސް އިން ބުނީ މިއީ ފްލެޓް ލިބުނު އެ ކުންފުނީގެ މުވައްޒަފުންގެ ފްލެޓުތައް މަރާމާތުކޮށް ހެދުމަށް އެހީވުމުގެ ގޮތުން ދޭ ފައިސާގެ އެހީއެއް ކަމަށެވެ.
މިކަމާއި ގުޅޭގޮތުން އެންސިސްގެ މެނޭޖިންގ ޑިރެކްޓަރ ޢަބްދުލްވާހިދު ތައުފީގު ވިދާޅުވީ އެކުންފުނިން ދެކޭގޮތުގައި މުވައްޒަފުންނަށް ރަނގަޅު މަސައްކަތުގެ މާހައުލެއް ހޯދައިދިނުމުގެ އިތުރަށް އިތުރަށް އަދި ފުޅާކޮށް މުވައްޒަފުންގެ ވެލްފެއަރ އާއި ދޭތެރޭވެސް ވިސްނަން ޖެހޭ ކަމަށެވެ.އެގޮތުން މުވައްޒަފުންގެ ޢާއިލާތަކަށް ދިރުއުޅުމުގެ މުހިންމު ލަނޑުދަނޑިތައް ހާސިލު ކުރުމަށް ހުރި ގޮންޖެހުންތަކަށް ލުއި ހޯދައިދިނުމަށް ވެސް މަސައްކަތް ކުރަންޖެހޭ ކަމަށް ވާހިދު ވިދާޅުވި އެވެ.
As per our MD Mr.Wahid,
"We have to not only provide a good work environment, but we have to further address employee welfare by supporting our employees and their families in easing the challenges they face in achieving important milestones in their lives" pic.twitter.com/MJm9TdUNwP— Ensis Group (@ensisgroup) September 7, 2021
އެންސިސް ފިޝަރީޒްއިން ބުނީ އެކުންފުނީގެ މުވައްޒަފުންގެ ޒަރޫރީ ބޭނުމަށް ވަކި އުސޫލެއްގެ ދަށުން އިންޓްރެސްޓަކާ ނުލައި ލޯނު ދޫކުރުމަކީ އަބަދުވެސް ކުރަމުން އަންނަ ކަމެއް ކަމަށެވެ.
