ތ. ވޭމަންޑޫ ދިރުން-4 ގެ މަސްވެރިޔަކު ހާލުދެރަވެގެން ކޯސްޓްގާރޑުން އެހީތެރިކަން ފޯރުކޮއްދީފިއެވެ.
އެމްއެންޑީއެފުން ބުނީ ތ. އެލާ ބޮއި ކައިރީ މަސްވެރިކަން ކުރަން އުޅުނު ދިރުން-4 ދޯނީގައި ހުރި 18 އަހަރުގެ މަސްވެރިއެއްގެ ފަޔަށް ލިބުނު އަނިޔާއަކާ ގުޅިގެން އަވަސް ފަރުވާއަށް އެ ޒުވާނާ ތ. އަތޮޅު ހޮސްޕިޓަލަށް ގެންގޮސްފައިވާކަމަށެވެ. މިހާދިސާގެ މަޢުލޫމާތު އެމްއެންޑީއެފަށް ލިބުނީ މިއަދު ހެނދުނު 10:54 ގައިކަމަށް އެމްއެންޑީއެފުން ބުނެއެވެ.
ދިރުން-4 ދޯންޏަކީ މަސްވެރިކަމުގައި އުޅެނިކޮށް ބިންދައިގެން ދެ ބުރި ވަކިވި ދޯންޏެކެވެ. މަރާމާތަށްފަހު އެ ދޯނި މަސްވެރިކަމަށް ނިކުމެފައިވަނީ މިއަހަރުގެ ކުރީކޮޅުގައެވެ.