ޅ. ނައިފަރު މަލާހާ-2 ދޯންޏަކީ ދޮށީގެ މަސްވެރިކަމުގައި ހަރަކާތްތެރިވާ ދޯނިފަހަރުގެ ތެރެއިން މުޅި ރާއްޖެއަށް މަޝްހޫރު ދޯންޏެކެވެ.
99 ފޫޓުގެ މި ދޯނީގައި 58 ޓަނުގެ މަސް ރައްކާ ކުރެވެއެވެ. 405 ހޯސްޕަވަރުގެ އިންޖީނެއް އަޅާފައިވާ މި ދޯނި ގަޑިއަކު 12 މޭލު ދުވެއެވެ. މި ދޯނި މަސްވެރިކަމުގައި ހަރަކާތްތެރިވާތާ ގާތްގަނޑަކަށް 12 އަހަރު ވެއްޖެއެވެ.24 މަސްވެރިންނާއެކު މަހަށްދާ މި ދޯނި އެއްދުވަހުން އެންމެ ގިނައިން ބާނާފައިވަނީ 30 ޓަނުގެ މަހެވެ.
މަލާހާ-2 ގެ ކެޔޮޅަކީ ދޯނީގެ އޮޑިވެރިޔާ ޅ. ނައިފަރު ހަލަވެލި އަބްދުﷲ މުޙައްމަދެވެ. އަބްދުﷲ މުޙައްމަދު ނުވަތަ "މަލާހާ އަބްދުﷲ" އަކީ ނައިފަރުގެ އެންމެ ތަޖުރިބާ ހުރި އެެއް ކެޔޮޅެވެ.
