އެންސިސް ފިޝަރީޒްގެ ހުޅުމާލޭ ފެކްޓްރީގައި މަސް ސާފުކުރުމުގެ މަސައްކަތް ކުރާނެ މީހުން ހޯދުމަށް މިއަދު މެންދުރު ފަހު ހަރަކާތެއް ބޭއްވުމަށް ނިންމައިފިއެވެ.
އެގޮތުން މި ވަޒީފާއަށް ޝައުގުވެރިވާ ފަރާތްތަކުގެ ނަންނޯޓު ކުރުމަށް މިއަދު މެންދުރުފަހު 14:00 އިން ހަވީރު 18:00އަށް ހުޅުވާލެ ފޭސް 2 ގެ ފްލެޓް H11 ސަރަހައްދުގައި ކުރިއަށްދާނެ ކަމަށް އެންސިސް އިން ހާމަކުރެއެވެ.
އެންސިސްއިން ބުނީ މި ވަޒީފާ އަދާކުރުމަށް އެމީހަކަށް ފަސޭހަ ވަގުތެއްްގައި ފެކްޓްރީއަށް ގޮސް މަސައްކަތްކުރެވޭނެ ކަމަށެވެ. އެގޮތުން މަދުވެގެން ދުވާލަކު 4 ގަޑިއިރު ހަމަކުރަން ޖެހޭ ގޮތުން މަސައްކަތްކުރެވޭނެ ކަމަށާއި އަދި އިތުރު ގަޑިތަކުގައި މަސައްކަތް ކުރުމަށް ޝައުގުވެރިވާނަމަ އެފުރުސަތުވެސް އޮތްކަމަށް އެންސިސްއިން މައުލޫމާތުދެއެވެ.
މި ވަޒީފާގެ މުސާރަ ހަމަޖެހިފައިވަނީ ސާފު ކުރެވޭ މަހުގެ ބަރުދަނަށް ކަމަށްވެސް އެންސިސްއިން ހާމަކުރެއެވެ.
