ބްލެކް މާލިން ނުވަތަ ކަޅުމަސް ހިބަރުގެ އިންޑިޔާ ކަނޑުގެ ސްޓޮކް މިހާތަނަށް ދެނެގަނެވިފައެއް ނުވެއެވެ.
ހިބަރު އާއިލާގެ އެހެން ބާވަތްތައް ފަދައިން ކަޅުމަސް ހިބަރަކީވެސް ދުރު ސަރަހައްދުތަކަށް ހިޖުރަކުރާ، އިންޑިޔާ ކަނޑާއި ޕެސިފިކް ކަނޑުގެ ދުނިޔޭގެ ދެބައިހަމަ ސަރަހައްދުގެ ފިނިހޫނު ކަނޑުތަކާއި މެދުމިންވަރަށް ފިނި ކަނޑުތަކުން ފެންނަ މަހެކެވެ.
މި ބާވަތުގެ މަސް ކޮންމެވެސް މިންވަރަކަށް އެޓްލާންޓިކް ކަނޑުން ފެނިފައި ވީ ނަމަވެސް، ދަރިމައިވާ އުމުރުގެ އާބާދީއެއް އެ ކަނޑުގައި ވާކަމުގެ ހެއްކެއް ނެތެވެ.
މި ބާވަތުގެ ހިބަރު އާއްމުގޮތެއްގައި ފެންނަނީ ކަނޑުގެ ސަޠުޙުން ފެށިގެން 200 މީޓަރު ފުން ހިސާބުތަކުގައެވެ. ނަމަވެސް 915 މީޓަރު ފުނަށްވެސް ތުންގަނޑު ހިބަރު ފީނާކަމަށް ރިކޯޑު ކުރެވިފައިވެއެވެ.
ތުންގަނޑު ހިބަރު އާއްމުގޮތެއްގައި ފެންނަނީ ބައްރުތަކުގެ އައްސޭރިފަށުންނާއި ރަށްރަށާއި ފަރުތަކުގެ ކައިރިންނެވެ.
މި ބާވަތުގެ ހިބަރުގެ ކާނާގެ ގޮތުގައި ފިޔަލައާއި ބޯވަ އަދި ބޯވަދިލަމަހުގެ ބާވަތްތައް ކައެވެ. މީގެ އިތުރުން ގުންބަޅައާއި ކަކުނީގެ އިތުރުން އިހި ފަދަ ތޮށިގަނޑު ލާފައި ހުންނަ ބާވަތްތަކަކީވެސް ކަޅުމަސް ހިބަރުގެ ކާނާއެވެ، އެހެންނަމަވެސް ކަނޑުމަހުގެ ކުދި ބާވަތްތައް ގިނައިން ފެންނަނަމަ އެ ބާވަތްތައް ކެއުމަށް ކަޅުމަސް ހިބަރު އިސްކަންދެއެވެ.
