ކާށިދޫ ބޭރުގައި ކަނޑައިގެން ގޮސްފައިވާ ކަނދުފަތި ގާއިމުކޮށްފި

ކ. ކާށިދޫ ބޭރުގައި ކަނޑައިގެން ގޮސްފައިވާ ކަނދުފަތި ގާއިމުކޮށްފިއެވެ.

މިއަދު ގާއިމު ކުރި މި ކަނދުފައްޗަކީ، ކާށިދޫގެ އުތުރުން 4.5 މޭލު ބޭރުގައި ހަރުކޮށްފައިވާ ކަނދުފައްޗެކެވެ.

ކަނދުފަތި ނަންބަރ :-F09V01
ކާށިދޫ ވަދު ކަނދުފަތި

ކ.ކާށިދޫގެ އުތުރުން 4.5 މޭލު ބޭރުގައި 15 އޮކްޓޫބަރު 2022ގައި ޤާއިމުކޮށްފި!

#ދޮށިމަސްކަނދު pic.twitter.com/PbdycPql93

— Min. of Fisheries, Marine Resources & Agriculture (@MoFMRAmv) October 15, 2022

މި ކަނދުފަތި ފުރަތަމަ ހަރުކުރީ މި އަހަރުގެ އޭޕްރީލް މަހުގެ 11 ވަނަ ދުވަހުއެވެ.

ރާއްޖޭގައިކުރާ ދޮށީގެ މަސްވެރިކަމަށާއި ވަދު މަސްވެރިކަމަށް އަމާޒްކޮށް ޤާއިމްކޮށްފައިވާ ކަނދުފަތީގެ ވިޔުގައިން އެކި ސަބަބުތަކާއިހުރެ ކަނޑައިގެން ގޮސްފައިވާ ކަނދުފަތިތައް ޤާއިމްކުރުމުގެ މަސައްކަތް ފިޝަރީޒް މިނިސްޓްރީން ފެށީ ޖުލައި މަހުގެ ތެރޭގައެވެ.

ކަނދުފަތި ހަރުކުރުމުގެ މަސައްކަތުގެ ތެރެއިން، މިނިސްޓްރީން މިހާރު ވަނީ ވަރަށް ގިނަ ކަނދުފަތި އަލުން ގާއިމު ކޮށްފައެވެ.