މި ޕްރޮޖެކްޓްގެ ދަށުން، ފެންވަރު ރަނގަޅު ވަޅޯމަހާއި އަދި މަހުން ތައްޔާރުކުރާ ތަފާތު ބާވަތްތައް ރައްކާތެރިކަމާއިއެކު ފެންވަރު ރަނގަޅުކޮށް ތައްޔާރުކުރުމަށް ދަސްކޮށްދޭ، ހަތަރު ދުވަހުގެ ތަމްރީނު ޕްރޮގްރާމެއް، މި މަހުގެ 29ވަނަ ދުވަހުން ފެށިގެން، ކުރިއަށް ގެންދިއުމަށް ނިންމާފައިވާ ކަމަށެވެ.
މިތަމްރީނު ޕްރޮގްރާމްގައި މަޢުލޫމާތު ދެއްވާނީ ޖަޕާނުގެ ކަމާއިގުޅޭ މާހިރަކާއި ފިޝަރީޒް މިނިސްޓްރީގެ މުވައްޒަފުންނެވެ.
އެހެންކަމުން، މި މިތަމްރީނު ޕްރޮގްރާމްގައި ބައިވެރިވާން އެދޭ ފަރާތްތަކުން، ގޫގްލް ފޯމް ފުރުމަށްފަހު، މި މަހުގެ 27 ވަނަ ދުަވހުގެ ކުރިން ޕްރޮގްރާމްގައި ރަޖިސްޓްރީވުމަށް ކައުންސިލްގެ އިއުލާނުގައި ވަނީ އެދިފައެވެ.
މިތަމްރީނު ޕްރޮގްރާމްގައި ބައިވެރިކުރުމަށް ހަމެޖެހިފައިވަނީ އެންމެ ފުރަތަމަ ރަޖިސްޓްރީކުރާ 25 މީހުންނަށެވެ. އަދި މި ޕްރޮގްރާމްގައި ގިނަ އަންހެނުން ބައިވެރިވުމަށް ފިޝަރީޒް މިނިސްޓްރީން ވަނީ އެދިފައެވެ.