ފަވަރަ ހިދުމަތް މެދުވެރިކޮށް މޯލްޑިވްސް އިސްލާމިކް ބޭންކް (އެމްއައިބީ) އިން މުސާރަ ބަލްކްކޮށް ޓްރާންސްފަރ ކުރެވޭ ހިދުމަތް ފަށައިފިއެވެ.
ފަވަރައަށް މިގެނައި އަދާހަމަ އާއެކު، އެމްއައިބީގެ އިންޓަނެޓް ބޭންކިންގް ކަމުގައިވާ 'ފައިސާނެޓް' އިން ބަލްކް ޓްރާންސްފަރ ކުރެވޭނެއެވެ. އެހެންކަމުން ކޮންމެ ތާކު ހުރި ނަމަވެސް މުސާރަ ފަދަ ބަލްކް ޓްރާންސްފަރތައް މިހާރު ވަގުތުން ފޮނުވާލެވޭނެއެވެ.
ފަވަރައަކީ އެއް ބޭންކުން އަނެއް ބޭންކަށް ފައިސާ ފޮނުވާ ހިދުމަތެކެވެ. އަލަށް ތައާރަފް ކުރެވުނު ހިދުމަތާއެކު، އެހެން ބޭންކްތަކަށްވެސް ބަލްކް ޓްރާންސްފަރ ކުރުމުގެ ފުރުސަތު ހުޅުވިގެން މި ދިޔައީއެވެ.
ގިނަ އޮޑިފަހަރުގެ ކެޔޮޅުން މިހާރު ބޭނުން ކުރަނީ އިސްލާމިކް ބޭންކް އެކައުންޓެވެ. އެގޮތުން މީގެ ކުރިން 'މަސްވެރިން އޮންލައިން' އަށް މައުލޫމާތު ދެއްވަމުން މަސްވެރިކަމަށް މަޝަހޫރު މަޑަވެލީ ކަމަނަ ދޯނީގެ ކެޔޮޅު މުހައްމަދުޝަފީޤް ބުނީ، އެރަށުގައި އިސްލާމިކް ބޭންކް އޭޓީއެމްއެއް ގާއިމު ވުމަކީވެސް ވަރަށް ދިގު އިންތިޒާރެއްގެ ނިމުން ކަމަށެވެ. އަދި މަސްވެރިން ނުހަނު އެދިއެދި ތިބި ކަމެއް ކަމަށެވެ.