ދ. ކުޑަހުވަދޫ "ނިއުމަތު-3"

ދ. ކުޑަހުވަދޫ ނިޢުމަތު-3 އަކީ ދިވެހިރާއްޖޭގައި އެންމެ ފުރަތަމަ 2 އިންޖީނު އެޅި މަސް ދޯންޏެވެ.

2007 ވަނަ އަހަރު މި ދޯނި ފުރަތަމަ ބާލާފައި ވަނީވެސް 2 އިންޖީނާ އެކީގައެވެ. އޭރު މިދޯނީގައި އަޅާފައިވަނީ 350 ހޯސްޕަވަރުގެ 2 އިންޖީނެވެ. އޭގެ ފަހުން މިދިޔަ 2020 ވަނަ އަހަރު މި ދޯނީގެ އިންޖީނުތައް ވަނީ ބޮޑު ކޮށްފައެވެ. މިހާރު މި ދޯނީގައި އަޅާފައިފައިވަނީ 500 ހޯސްޕަވަރުގެ 2 އިންޖީނެވެ.

މިދޯނީގައި މަސް ރައްކާކުރުމުގެ ޖާގައަކީ 49.2 ޓަނެވެ. ދޯނީގެ ދިގުމިނަކީ 33 މީޓަރެވެ.

ނިއުމަތު-3 އަކީ ދޮށީގެ މަސްވެރިކަމަށް ރާއްޖޭގައި މަޝްހޫރު ދޯންޏެވެ. މިދޯނި އެއް ދުވަހުން އެންމެ ގިނައިން ބާނާފައިވަނީ 35 ޓަނުގެ މަހެވެ.

މިދޯނީގައި 25 މަސްވެރިން ހަރަކާތްތެރިވެއެވެ. ދޯނީގެ ކެޔޮޅަކީ ދ.ކުޑަހުވަދޫ ބީޗްހައުސް ހުޞެއިން ރަޝީދެވެ.