ގދ. ތިނަދޫ ފަޅުގައި އޮތް މަސްދޯންޏެއްގައި އަލިފާންރޯވެ 4 މީހަކަށް އަނިޔާވެއްޖެއެވެ.
މިހާދިސާގައި އަނިޔާވި މީހުންނަށް ތިނަދޫގައި ހުންނަ ރީޖިނަލް ހޮސްޕިޓަލްގައި ދަނީ ފަރުވާދެމުންނެވެ. އަލިފާން ރޯވެފައިވަނީ ތިނަދޫ ރާސްތާ ދޯނީގައެވެ. މަޢުލޫމާތު ލިބިފައިވާގޮތުގައި އަލިފާނުގެ ހާދިސާހިނގި ވަގުތު ދޯނީގައި ތިބީ 4 މީހުންނެވެ. މިހާދިސާ ހިނގުމާއެކު ތިނަދޫގައި ހަރަކާތްތެރިވާ ފަޔަރ އެންޑް ރެސްކިއިޓީމާއި ފުލުހުންނާއި ރައްޔިތުން ގުޅިގެން ރޯވި އަލިފާންގަނޑު ވަނީ ނިއްވާލާފައެވެ. މިހާދިސާގައި ދޯންޏަށް ވަރަށް ބޮޑަށް ގެއްލުން ވެފައިވާކަމަށް ހަބަރު ލިބެއެވެ. މިހާދިސާ ހިނގަން މެދުވިސަބަބެއް ކަމާބެހޭ ފަރާތްތަކުން އަދި ހާމައެއް ނުކުރައްވައެވެ.