އދ. މަހިބަދޫ "އަސަރީ" އަކީ ބޮޑުކަންނެލީގެ މަސްވެރިކަމުގައި ހަރަކާތްތެރިވާ މަޝްހޫރު ދޯންޏެކެވެ.
2009 ވަނައަހަރުން ފެށިގެން 2017 ވަނަ އަހަރާ ހަމައަށް މި ދޯނި ދުއްވީ ތ.ގުރައިދޫގައެވެ. އޭރު މި ދޯނީގެ ނަމަކީ "ހުރަވީ" އެވެ. އޭރު މި ދޯންޏަކީ ދޮށީގެ މަސްވެރިކަމަށް ޚާއްޞަ ދޯންޏެކެވެ. 2017 ވަނަ އަހަރުން ފެށިގެން މި ދޯނި ދުއްވަމުން ގެންދަނީ މަހިބަދޫގައެވެ. އޭގެ ފަހުން މި ދޯންޏަކީ ބޮޑުކަންނެލީގެ މަސްވެރިކަމުގައި ފާހަގަކޮށްލެވޭ ދޯންޏެކެވެ.
25 މަސްވެރިންނާއެކު ބޮޑުކަންނެލީގެ މަސްވެރިކަން ކުރާ މި ދޯންޏަކީ 96 ފޫޓުގެ ދޯންޏެކެވެ. މި ދޯނީގެ ކެޔޮޅަކީ އދ. މަހިބަދޫ އަސުރުމާގޭ އަޙުމަދު ޝަރީފެވެ.
