އީރާނަށް ކުރި ވިއްސާރައިގައި، އެޤައުމުގެ ޔަސޫޖު ސަރަހައްދަށް 'މަހުގެ ވާރޭ' ވެހިއްޖެއެވެ.
މި މަންޒަރު ފެންނަ ވީޑިއޯތައް ސޯޝަލް މީޑިއާގައި ވައިރަލްވެފައިވާއިރު، ގިނަ ބަޔަކަށް މި ވީޑިއޯތަކާއި އެކު ލިބިގެން ދިޔައީ ހައިރާން ކަމެވެ. އަދި މިއީ އަސްލުވެސް ހިނގި ކަމެއް ކަމާއި މެދުވެސް މީހުންވަނީ ސުވާލު އުފައްދާފައެވެ.
އެހެންނަމަވެސް އީރާންގެ ޚަބަރު ފަތުރާ ވަސީލަތްތަކުން ބުނީ މިއީ އަސްލުވެސް ހިނގާފައިވާ ކަމެއް ކަމަށެވެ.
Tras una tormenta en Irán, se registró un extraordinario suceso donde peces vivos caen del cielo. El video viral muestra una escena sorprendente que aún no tiene explicación clara. pic.twitter.com/x4ihwnJP4d
— Noticias UKR 24 (@UKR_token) May 4, 2024
ވާރެއާއި އެކު އުޑުން މަހުގެ ބާރޭ ވެހުމުގެ ހާދިސާތައް މީގެ ކުރިންވެސް ދުނިޔޭގެ އެކި ހިސާބުތަކުގައި ހިނގާފައި އެބަހުއްޓެވެ. ސައިންސްވެރިން ބުނާ ގޮތުގައި މަހުގެ ވާރޭ ވެހެން މެދުވެރިވާ ސަބަބަކީ ތިލަ ކޯރުތަކާއި ދިމާލުގައި އެނބުރޭ ވައިރޯޅި އުފެދި އެ ކޯރުގައި ހުންނަ ހުރިހާ އެއްޗެއް ވާރޭ ވިލާތަކުގެ ތެރެއަށް ދަމައިގަތުމުން ކަމަށެވެ. އަދި އެހެން ދަމައިގަންނަ އިރު، މޫދުގައި އުޅޭ މަހާއި ވެނާ ބޮއް ފަދަ އެއްޗެހި ވެސް ދަމައިގަންނެއެވެ.
މިހެން ވާރެއާއި އެކު ފައިބާ މަސް ކެއުމަށް ބޭނުންކުރުމަކީ އެހާ ރަނގަޅު ކަމެއް ނޫން ކަމަށް ތަޖުރިބާކާރުން ބުނެއެވެ.
