މ. ދިއްގަރު ރިހާކުރުގައި އެރަށުގެ މެހެމާންދާރީގެ ރަހަ ވެސް ހިމެނޭ ކަމަށް ޔޫއެންޑީޕީގެ ރެޒިޑެންޓް ކޯޑިނޭޓަރ ކެތެރިން ހޭސްވެލް ބުނެފިއެވެ.
ރާއްޖޭގައި ލޯކަލް ޓޫރިޒަމް ފެށުމުގެ ގޮތުން ފުރަތަމަ ފަތުރުވެރިންނާއެކު ކެތެރިން ވެސް ދިއްގަރަށް ދިޔައެވެ. އެ ދަތުރަށް ފަހު ކެތެރިން ކުރި ޕޯސްޓެއްގައި ބުނީ، ރިހާކުރު ކެއްކުމުގައި އިސްކޮށް ހަރަކާތްތެރިވާ މީހުނާ ދިމާވެފައިވާ ކަމަށެވެ.
'ދަ ރިހާކުރު އައިލެންޑް' ގެ ނަމުން މަޝްހޫރު ވެފައިވާ ދިއްގަރުން ރައްޔިތުންގެ މެހެމާންދާރި އާއި ހިތްހެޔޮކަން ކެތެރިން ވަނީ ފާހަގަ ކޮށްފައެވެ.
ރިހާކުރު ކެއްކުމުގައި މަހުގެ އެއްވެސް ބައެއް ބާކީ ނުކުރާކަމަށާއި މުޅި މަސް ބޭނުން ކޮށްގެން ކައްކާ ރިހާކުރު ބޭރުގެ މާކެޓަށް ވިއްކާކަމަށް އޭނާވެސް ބުންޏެވެ.
In Dhiggaru, I enjoyed the energy & charm of expert Rihaakuru masters, & #zerowaste of entire fish for 🇲🇻 & 🇱🇰markets. Warm welcome was heartfelt, smiles were infectious, & conversations were stimulating - must be the secret ingredients that make #DhiggaruRihaakuru so special! pic.twitter.com/GQ89rOHCvw
— Catherine Haswell 🇺🇳 🇲🇻 (@HaswellUN) January 12, 2022
ރާއްޖެއަށް ލޯކަލް ޓޫރިޒަމް ތައާރަފް ކުރުމާއެކު، އެއާ ވިދިގެން މަސްވެރިކަން ވެސް ކުރިއެރުވުމަކީ ޓޫރިޒަމަށް ވެސް ލިބޭނެ އިތުރު ފައިދާއެއް ކަމަށް މަސްވެރިން ދަނީ ބުނަމުންނެވެ.
މަސްވެރިކަމާއި މަސްކެއްކުން އަދި ރިހާކުރު ކެއްކުމަކީވެސް ފަތުރުވެރިން ޝައުގުވެރިވާ އަދި ބަލައިލާ ހިތްވާ ކަމެކެވެ.
