ކުރިން ގާއިމުކޮށްފައިވާ ކަނދުފަތިތަކުގެ ތެރެއިން، ކެނޑިފައިވާ ދެ ކަނދުފައްޗެއް ފިޝަރީޒް މިނިސްޓްރީން އަލުން ގާއިމު ކޮށްފިއެވެ.
އަލުން ގާއިމު ކޮށްފައި ވަނީ ތ. ހިރިލަންދޫ ކަނދުފައްޗާއި މ. ކޮޅުފުށީ ކަނދުފައްޗެވެ. އޭގެ ތެރެއިން ހިރިލަންދޫ ކަނދުފަތި ގާއިމު ކޮށްފައި ވަނީ އިއްޔެއެވެ.
ކަނދުފަތި ނަންބަރ :-L08D01
ތ.ހިރިލަންދޫ ކަނދުފަތި ހިރިލަންދޫގެ ހުޅަނގު ދެކުނުން 15 މޭލު ބޭރުގައި (މިއަދު) ޤާއިމުކޮށްފި!22 ސެޕްޓެންބަރ 2022
#ދޮށިމަސްކަނދު pic.twitter.com/qmOPz6zdzH— Min. of Fisheries, Marine Resources & Agriculture (@MoFMRAmv) September 22, 2022
ހިރިލަންދޫގެ ހުޅަނދު ދެކުނުން 15 ނޯޓިކަލް މޭލު ބޭރުގައި ހަރުކުރި މި ކަނދުފަތި އެންމެ ފުރަތަމަ ގާއިމު ކުރީ 2019 ވަނަ އަހަރުއެވެ. މި ކަނދުފަތި ފުރަތަމަ ގާއިމު ކުރަމުން މިނިސްޓްރީން ބުނީ، މި ކަނދުފައްޗަކީ ދޮށީގެ މަސްވެރިކަމަށް ގާއިމު ކޮށްފައިވާ ކަނދުފަތީގެ ވިއުގަޔަށް ކަނދުފައްޗެއް އިތުރުކޮށް އަޖުމަބެލުމަށްޓަކައި ބޭރުކަނޑުގައި އެޅި ކަނދުފައްޗެއްކަމަށެވެ.
ކޮޅުފުށީ ކަނދުފަތި ގާއިމު ކޮށްފައި ވަނީ މިދިޔަ ބުދަ ދުވަހުއެވެ.
ކަނދުފަތި ނަންބަރ :-K10D01
މ. ކޮޅުފުށި ކަނދުފަތި ދިއްތުނޑީގެ އިރު ދެކުނުން 16 މޭލު ބޭރުގައި (މިއަދު) ޤާއިމުކޮށްފި!21 ސެޕްޓެންބަރ 2022
#ދޮށިމަސްކަނދު pic.twitter.com/xY8he9Lujg— Min. of Fisheries, Marine Resources & Agriculture (@MoFMRAmv) September 21, 2022
ކޮޅުފުށީ ދިއްތުނޑީގެ އިރު ދެކުނުން 16 މޭލު ބޭރުގައި ގާއިމު ކޮށްފައިވާ މި ކަނދުފަތި ކަނޑައިގެން ގޮސްފައިވާކަމުގެ މައުލޫމާތު މިނިސްޓްރީއަށް ލިބުނީ ޖޫން މަހުގެ 15 ވަނަ ދުވަހު ކަމަށް މިނިސްޓްރީން މައުލޫމާތު ދިނެވެ.
މަސްވެރިކަން ކުރިއެރުވުމަށްޓަކައި، އެންމެ ފުރަތަމަ ސަރުކާރުން އޮއިވާލި ކަނދުފަތި ހަރުކުރީ 1980 ވަނަ އަހަރުއެވެ. އެންމެ ފުރަތަމަ ގާއިމު ކުރި 10 ކަނދުފައްޗަކީ، ދުނިޔޭގެ ކާބޯތަކެއްޗާއި ދަނޑުވެރިކަމާބެހޭ ޖަމުޢިއްޔާ އެފްއޭއޯގެ އެހީގައި ހަރުކުރި ކަނދުފަތިތަކެވެ. އޭގެފަހުން ޔޫއެންޑީޕީގެ އެހީގައި 10 ކަނދުފަތި ހަރުކުރިއެވެ. މިހާރު މި މަޝްރޫޢު ކުރިއަށްގެންދިޔައީ ދަޢުލަތުގެ ބަޖެޓުން ޚަރަދުކޮށްގެންނެވެ.