ރާއްޖޭގެ ކަނޑުގެ ސަރަޙައްދުގައި ޤަވާއިދާ ޚިލާފަށް މަސްވެރިކަން ކުރި ބޭރުގެ މަސް ބޯޓެއްގެ ވެރިފަރާތް 4 ލައްކަ ރުފިޔާއިން ޖޫރިމަނާކޮށްފިއެވެ.
މިނިސްޓްރީ އޮފް ފިޝަރީޒް މެރިން ރިސޯސަސް އެންޑް އެގްރިކަލްޗަރއިން ވިދާޅުވީ، މިދިޔަ ޖޫންމަހުގެ 20 ވަނަ ދުވަހު ރާއްޖޭގެ ކަނޑުގެ ސަރަޙައްދަށް ޤަވާއިދާ ޚިލާފަށްވަދެ، މަސްވެރިކަން ކުރަން އުޅެނިކޮށް އަތުލައިގަތް މި ބޯޓުގެ ވެރިފަރާތް ޖޫރިމަނާކޮށްފައިވަނީ ރާއްޖޭގައި މިހާރު ޢަމަލުކުރަމުންދާ ދިވެހިރާއްޖޭގެ މަސްވެރިކަމުގެ ޤާނޫނުގެ ދަށުން އެ މިނިސްޓްރީއަށް ލިބިގެންވާ ބާރުގެ ދަށުންކަމަށެވެ.
&
The owner of the foreign fishing vessel apprehended by @MNDF_Official Coastguard on 20th June 2021 has been fined MVR 400,000/- for offences under the Fisheries Act of the Maldives. pic.twitter.com/8Imup0uCTQ
— Min. of Fisheries, Marine Resources & Agriculture (@MoFMRAmv) July 3, 2021
ޖޫރިމަނާކޮށްފައިމިވަނީ މިދިޔަމަހުގެ 22 ވަނަ ދުވަހު އަތުލައިގަތް މަސް ބޯޓެކެވެ.
އެމްއެންޑީއެފް އަށް މި މަސްބޯޓު ރާއްޖޭގެ ކަނޑު ސަރަޙައްދުން ފެނިގެން ރިޕޯޓްކޮށްފައިވަނީ މސްވެރިކަން ކުރަން އުޅުން "ސީލައިން-03" ނަމަކަށްކިޔާ ދޯންޏަކުންނެވެ. އަދި މި މަސް ބޯޓު ހޯދުމަށް އެމްއެންޑީއެފް ކޯސްޓްގާޑުން ކުރިއަށްގެންދިޔަ ޚާއްޞަ އޮޕަރޭޝަންގައި، މި ބޯޓު ކޯސްޓްގާޑް ޝިޕް ހުރަވީގެ ބެލުމުގެ ދަށަށް ގެނެވިފައިވަނީ، ލ.އަތޮޅުގެ އިރުން 139 ނޯޓިކަލް މޭލު ބޭރުންކަމަށާ، މި ބޯޓު ކޯސްޓްގާޑްގެ ބެލުމުގެދަށަށް ގެންދިޔައިރު ބޯޓުގައި ފަސް ފަޅުވެރިން ތިބިކަމަށްވެސް އެމްއެންޑީއެފުން ވިދާޅުވެއެވެ. ނަމަވެސް މިއީ ކޮން ގައުމެއްގެ ބޯޓެއް ކަމެއް ހާމަކޮށްފައެއް ނުވެއެވެ.