މަސްވެރިން ބާނާ މަހަށް ހެޔޮ އަގު ހޯދައިދިނުމަކީ މިސަރުކާރުގެ އަމާޒު: ސަރުކާރު

މަސްވެރިކަމުން ލިބޭ މަންފާ އިތުރުކޮށް މަސްވެރިން ބާނާ މަހަށް ހެޔޮ އަގު ހޯދައިދިނުމަކީ މިސަރުކާރުގެ އަމާޒު ކަމަށް ސަރުކާރުން ބުނެފިއެވެ.

މި ސަރުރުކާރަށް ހަތަރު އަހަރު ފުރުން ފާހަގަކޮށް، ސަރުކާރުން ކާމިޔާބު ކަމާއެކު ނިންމާލާފައިވާ މަޝްރޫއުތައް ހިއްސާކުރަމުން ސަރުކާރުން ބުނީ، އަލަށް ފަސް އައިސްޕްލާންޓެއް ނިމިފައިވާ ކަމަށެވެ. އެއީ ރ. މަޑުއްވަރި، ކ. ގާފަރު އަދި ހއ. ހޯރަފުށީގެ އިތުރުން ޅ. ވެލިވަރާއި ފ. ފީއަލީ އައިސްޕްލާންޓް ކަމަށެވެ.

މަސްވެރިކަމުން ލިބޭ މަންފާ އިތުރުކޮށް މަސްވެރިން ބާނާ މަހަށް ހެޔޮ އަގު ހޯދައިދިނުމަކީ މިސަރުކާރުގެ އަމާޒު.#HamaHama4 pic.twitter.com/1M8GO3Da6b

— Government of Maldives (@governmentmv) November 17, 2022

އަންނަ އަހަރުގެ ނިޔަލަށް 12 އައިސްޕްލާންޓެއްގެ އަލަށް ހުޅުވިގެންދާނެ ކަމަށް ކަމަށް ފިޝަރީޒް މިނިސްޓްރީން ވަނީ އިއުލާނުކޮށްފައެވެ.

މީގެތެރޭގައި ހިމެނެނީ ހއ. ދިއްދޫ، ށ. ކޮމަންޑޫ، އއ. ރަސްދޫ، ދ. މީދޫ، މ. މުލައް، ގއ. ގެމަނަފުއްޓެވެ. މީގެއިތުރުން ލ. މާމެންދޫ، ލ. މާބައިދޫ، ގދ. މަޑަވެލި، ގދ. ރަތަފަންދޫ، ގދ. ފިޔޯރީ އަދި ގދ. ގައްދޫގައި ބަހައްޓާ އައިސް ޕްލާންޓެވެ.

ސަރުކާރުގެ އަމާޒު: އަންނަ އަހަރުގެ ނިޔަލަށް އިތުރު 12 އައިސްޕްލާންޓް ހުޅުވުން

ނަމަވެސް ހަމައަގު ކަނޑަނޭޅުމާއި ތެލުގެ އަގު ބޮޑުވުން އަދި އައިސް ލިބުން އިންތިހާއަށް ދަތިވާއިރު ސަރުކާރުން އަޅާނުލާކަމަށް ބުނެ މަސްވެރިން ވަނީ ކަންބޮޑުވުން ފާޅުކޮޮށްފައެވެ.