ތ. އަތޮޅު ބުރުނި ކައިރިއަށް ޑައިވިންގއަށް ގޮސް އުޅުނު މީހަކަށް އަނިޔާވެގެން އެމްއެންޑީއެފްއިން އެހީތެރިކަން ފޯރުކޮށްދީފިއެވެ.
އެމްއެންޑީއެފް އިން ވިދާޅުވީ، ބުރުނީ ދެކުނުން ހަތަރު މޭލު ބޭރުގައި އެންހިފަން އުޅުނު "މާފަތް4" ދޯނީގައި ހުރި 29 އަހަރުގެ މަސްވެރިއަކު ޑައިވިންގއަށް ގޮސްގެން އުޅުމުގެ ތެރޭގައި އަނިޔާވެފައިވާ ކަމަށެވެ.
އެމްއެންޑީއެފްގެ އެހީތެރިކަމާއެކު އެ މީހާ ވަނީ ތ. އަތޮޅު ހޮސްޕިޓަލަށް ގެންގޮސްފައެވެ.
ތ.ބުރުނީގެ ދެކުނުން 4 މޭލު ބޭރުގައި އެންހިފަން އުޅުނު "މާފަތް 4" ދޯނީގައި ހުރި 29 އަހަރުގެ ފަޅުވެރިއަކު ޑައިވިނަށް ގޮސް އުޅުމުގެ ތެރޭގައި އަނިޔާވެ، ޞިއްޙީ ފަރުވާ ދިނުމަށް އެމްއެންޑީއެފް ސެންޓްރަލް އޭރިއާ ކޯސްޓްގާޑު ސްކޮޑްރަންގެ އެހީތެރިކަމާއެކު ތ.އަތޮޅު ހޮސްޕިޓަލަށް ގެންގޮސްދީފި. pic.twitter.com/2xNu1RyKmn
— Maldives National Defence Force (@MNDF_Official) May 23, 2022
މަސްދޯނިފަހަރު ކަނޑުމައްޗަށް ނިކުމެ އުޅެނިކޮށް މަސްވެރިންނަށް ދިމާވާ ސިއްޚީ ކުއްލި މައްސަލަތަކަށް އެމްއެންޑީއެފުން އަންނަނީ އަބަދުވެސް އެހީތެރިކަން ފޯރުކޮށްދެމުންނެވެ.