ޤާނޫނާޚިލާފަށް ރާއްޖޭގެ ކަނޑުގެ ސަރަހައްދުގައި މަސްވެރިކަންކުރަމުންދިޔަ ލަންކާގެ މަސްބޯޓެއް، އެމްއެންޑީއެފް ކޯސްޓްގާޑު ޝިޕް ހުރަވީން ހިފަހައްޓައިފިއެވެ.
އެމްއެންޑީއެފުން މައުލުމާތުދޭގޮތުގައި މ.މުލިން 76ނމ. އިރުން ހިފެހެއްޓި މަސްބޯޓުގެ މަޢުލޫމާތު ކޯސްޓްގާޑަށް ހިއްސާކޮށްފައިވަނީ "އަލަމޫ 2" ނަމަކަށް ކިޔާ ދޯންޏަކުންކަމަށެވެ.
ޖުމްލަ 6 ފަޅުވެރިން ތިބި ލަންކާގެ މަސްބޯޓު މިހާރު ދަނީ ކޯސްޓްގާޑު ޝިޕް ހުރަވީގެ ބެލުމުގެ ދަށުން ލ.ކައްދޫއަށް ދަތުރުކުރަމުންކަމަށްވެސް އެމްއެންޑީއެފުން މައުލޫމާތުދެއެވެ.
ޤާނޫނާޚިލާފަށް ރާއްޖޭގެ ކަނޑުގެ ސަރަހައްދުގައި މަސްވެރިކަންކުރަމުންދިޔަ ލަންކާގެ މަސްބޯޓެއް، އެމްއެންޑީއެފް ކޯސްޓްގާޑު ޝިޕް ހުރަވީން ހިފަހައްޓައިފި. މ.މުލިން 76ނމ. އިރުން ހިފެހެއްޓި މަސްބޯޓުގެ މަޢުލޫމާތު ކޯސްޓްގާޑަށް ހިއްސާކޮށްފައިވަނީ "އަލަމޫ 2" ނަމަކަށް ކިޔާ ދޯންޏަކުން.
— Maldives National Defence Force (@MNDF_Official) June 7, 2022
މިދިޔަ އަހަރުތެރޭވެސް ރާއްޖޭގެ ކަނޑުގެ ސަރަހައްދުން މަސްވެރިކަން ކުރި ގިނަ ބޯޓުފަހަރުތަކެއް ވަނީ އަތުލައިގެންފައެވެ. ގަވައިދާ ހިލާފަށް މަސްވެރިކަން ކުރަނިކޮށް އަތުލައިގެންފި ނަމަ ޖޫރި މަނާއެއް ދައްކަން ޖެހެއެވެ. އެ ޖޫރިމަނާ ނުދައްކައިފި ނަމަ ބޯޓު ދައުލަތަށް ނެގުމުގެ ބާރު ދިވެހި ސަރުކާރަށް އޮވެއެވެ.
