ހއ. ތުރާކުނުގެ ބޭރުގައި ކަނޑައިގެން ގޮސްފައިވާ މަސް ކަނދުފަތި އަލުން ހަރުކޮށްފިއެވެ.
ފިޝަރީސް މިނިސްޓްރީން ކުރި ޓުވީޓެއްގައި ބުނީ، ތުރާކުނު ހުޅަނގު އުތުރުން 16.5 މޭލު ބޭރުގައު ގާއިމު ކޮށްފައިވާ "އިހަވަންދޫ ކަނދުފަތި" އިއްޔެ ގާއިމު ކޮށްފައިވާ ކަމަށެވެ.
ކަނދުފަތި ނަންބަރ :-B08D01
އިހަވަންދޫ ކަނދުފަތި ހއ. ތަރާކުރުގެ ހުޅަނގު އުތުރުން 16.5 މޭލު ބޭރުގައި މިއަދު ޤާއިމުކޮށްފި!09 ނޮވެންބަރ 2022
#ދޮށިމަސްކަނދު pic.twitter.com/qPcBRaDsKh— Min. of Fisheries, Marine Resources & Agriculture (@MoFMRAmv) November 9, 2022
މިއީ 2015 ވަނަ އަހަރު ގާއިމު ކޮށްފައިވާ ކަނދުފައްޗެކެވެ.
ކަނޑައިގެން ގޮސްފައިވާ ކަނދުފަތިތައް ގާއިމު ކުރުމަކީ މިނިސްޓްރީން ވަރަށް އިސްކަމެއް ދީގެން ކުރަމުން އަންނަ މަސައްކަތެކެވެ. އެގޮތުން، ކަނޑައިގެން ގޮަސްފައިވާ 10 ކަނދުފަތި އެޅުމުގެ މަސައްކަތް، ސެޕްޓެމްބަހު މަހު ފަށާނެ ކަމަށް، އޯގަސްޓް މަހު ބޭއްވި ރައްޔިތުންގެ މަޖިލީހުގެ ޖަލްސާގައި ވާހަކަފުޅު ދައްކަވަމުން، މިނިސްޓަރ އޮފް ފިޝަރީސް، މެރިން ރިސޯސަސް އެންޑް އެގްރިކަލްޗަރ ޑރ. ހުސައިން ރަޝީދު ހަސަން ވިދާޅުވިއެވެ.
އެޔާއެކު، ކަނދުފަތިތައް އަލުން ގާއިމު ކުރުމުގެ މަސައްކަތް ފެށި، ބާރު މިނެއްގައި ކުރިއަށް އެބަ ގެންދެއެވެ.
