މިފްކޯގެ ސީއީއޯ އަހުމަދު ޝަމާހު ރަޝީދުގެ މައްޗަށް ތުހުމަތު ކުރާ މައްސަލައިގެ ހެއްކެއް ނެތް ކަމަށާއި، އެހެންކަމުން އޭނާގެ ސަސްޕެންޝަން އުވާލައި، އޭނާގެ ކިބައިން މާފަށް އެދެން ޖެހޭ ކަމަށް މިފްކޯގެ ޖެނެރަލް މެނޭޖަރު އަލީ މުއާޒް ވިދާޅުވެއްޖެއެވެ.
ކޯޕަރޭޓް ގަވަނެންސް އާ ގުޅުންހުރި މައްސަލަތަކެއް ޕީސީބީއަށް ހުށަހަޅާފައި ވާތީ ޝަމާހު މިވަގުތު ހުރީ މިފްކޯގެ ސީއީއޯގެ ޒިންމާތަކުން ވަގުތީގޮތުން އެކަހެރި ކޮށްފައެވެ. އަދި އެކަމާ ގުޅިގެން މިއަދު ވަނީ އޭނާ މަޖިލީހުގެ އެސްއޯސީ ކޮމިޓީއަށް ހާޒިރު ކޮށްފައެވެ.
ޝަމާހުއާ ދެކޮޅަށް މައްސަލަ ހުށަހަޅާފައި ވަނީ ޕީސީބީގެ ވިސިލްބްރޯ ޕޯޓަލް މެދުވެރިކޮށް ކަމަށް ޕީސީބީގެ ނައިބު ރައީސް މުހައްމަދު ފިރާޒް މިއަދު ވިދާޅުވިއެވެ.
އެކަމާ ގުޅިގެން މިފްކޯގެ ޖެނެރަލް މެނޭޖަރ އަލީ މުއާޒް "މަސްވެރި އޮންލައިން"އަށް މައުލޫމާތު ދެއްވަމުން ވިދާޅުވީ، ޕޯޓަލް މެދުވެރިކޮށް ޝަމާހުއާ ދެކޮޅަށް މައްސަލަ ހުށަހަޅާފައިވާ ނަމަވެސް، އެއްވެސް މައްސަލައެއްގެ ހެއްކެއް ނެތް ކަމަށެވެ.
Today at the SOE committee, it's clear: PCB lacks evidence on alleged violations by Mifco's CEO. We urge PCB to retract the suspension and publicly apologize for these false allegations. Mifco and CEO @shamah_rasheed is committed to integrity and transparency. @pcb_gov @mifcomv…
— Ali Muaz (@alimuaz) March 25, 2024
މުއާޒް ގޮވާލާފައި ވަނީ މި މައްސަލައިގައި ހެކި ނެތި ޝަމާހު ސަސްޕެންޝަން ކޮށްފައި ވާތީ، އޭނާގެ ކިބައިން މައާފަށް އެދުމަށެވެ.