ގދ. ފިޔޯރީއާއި ގދ. މަޑަވެލީގައި އައިސްޕްލާންޓް އަޅަން ހަވާލުކޮށްފިއެވެ.
މިނިސްޓްރީ އޮފް ފިޝަރީޒް މެރިންރިސޯސަސް އެންޑް އެގްރިކަލްޗަރގެ ފަރާތުން، މި ދެ ރަށުގައި އައިސްޕްލާންޓް އަޅަން ހަވާލު ކުރީ ފެނަކަ ކޯޕަރޭޝަނާއެވެ.
ފިޝަރީޒް މިނިސްޓްރީން ބުނީ، ރާއްޖޭގެ 2 ރަށެއްގައި 25 ޓަނުގެ 2 އައިސްޕްލާންޓް ޤާއިމްކުރުމުގެ މަސައްކަތް ކުރުމަށް ފެނަކައާ ޙަވާލު ކުރުމުގެ އެއްބަސްވުމުގައި މިއަދު ސޮއިކޮށްފައި ވާކަމަށެވެ.
"މިގޮތުން އައިސްޕްލާންޓް ގާއިމް ކުރުމަށް ނިންމާފައިވަނީ ގދ. ފިޔޯރި އަދި ގދ. މަޑަވެލި، މި 2 ރަށުގައި" މިނިސްޓްރީން ބުންޏެވެ.
