މޫސުން ގޯސްވާނެ ކަމަށް ލަފާކޮށް، ދިވެޖިރާއްޖޭގެ މޫސުމާ ބެހޭ ގައުމީ އިދާރާ (މެޓް އޮފީސް) އިން ރާއްޖޭގެ އުތުރުގެ ސަރަހައްދުތަކަށް ހުދު ސަމާލު ނެރެފިއެވެ.
މެޓުން ހުދު ސަމާލު ނެރެފައި ވަނީ ހއ. އަތޮޅުން ފެށިގެން ޅ. އަތޮޅުގެ ނިޔަލަށެވެ.
އެ ސަރަހައްދުތަކަށް މިއަދު ފަތިހު5:45ން ފެށިގެން މިއަދުގެ11:00 ގެ ނިޔަލަށް ބޯކޮށް ވާރޭ ވެހުމާއެކު ގުގުރާނެ ކަމަށް މެޓުން ލަފާކުރެއެވެ.
Heavy rain and thunderstorms expected. pic.twitter.com/wTurVeS5DB
— Maldives Meteorology (@MetMaldives) April 16, 2024
މޫސުން ގޯސްނަމަ، ކަނޑު ދަތުރުކުރާ ފަރާތްތަކުން މޫސުމަށް ސަމާލުކަން ދިނުމަށް ކަމާބެހޭ އިދާރާތަކުން އިލްތިމާސް ކުރެއެވެ.
މަސްވެރިންނަކީ ގިނަ ވަގުތު ކަނޑުމަތީގައި ހޭދަކުރާ ބަޔަކަށް ވުމުން، ކޮންމެ ދުވަހެއްގެ މޫސުމަށްވެސް ވަކިވަކިން ސަމާލުވެ ތިބެން ޖެހެއެވެ. ރައްކާތެރި ގޮތަކީ އެއީއެވެ.