ކޫއްޑޫ ފިޝަރީޒް ކޮމްޕްލެކްސްއިން ގިނަ އަދަދެއްގެ ވަޒީފާތަކަކަށް ހުޅުވާލައިފިއެވެ.
މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ ލިމިޑެޓު، މިފްކޯއިން ރާއްޖޭގެ ދެކުނުގައި ހިންގާ ކޫއްޑޫ ފިޝަރީޒް ކޮމްޕްލެކްސްއިން ވަނީ 23 ވަޒީފާއަކަށް މީހުން ހޯދުމަށް އިއުލާންކޮށްފައެވެ.
މީގެތެރެއިން ބައެއް ވަޒީފާތަކަށް 2 މީހުން ހޯދުމަށްވެސް އިޢުލަންކޮށްފައިވެއެވެ. މި ވަޒީފާތަކުގެ ތަފްސީލްތައް ސަރުކާރުގެ ގެޒެޓުގައި މިހާރުވަނީ ޝާއިޢުކޮށްފައެވެ.
ކޫއްޑޫ ފިޝަރީޒް ކޮމްޕްލެކްސްގައި ހޯދުމަށް އިއުލާންކޮށްފައިވާ ބައެއް ވަޒީފާތަކަށް ބަލާލާއިރު،
- ސައިޓު ސުޕަވައިޒަރ
- ސެކިއުރިޓީ
- އެސިސްޓެންޓު އިންޖީނިއަރ، ސިވިލް އިންޖީނިއަރ
- ކޭޝިއަރުން
- ސީނިއަރ އޮފިސަރުން
މި މަޤާމުތަކުގެ އިތުރަށްވެސް އެކި ދާއިރާތަކުން މީހުން ހޯދުމަށް މިފްކޯއިން ވަނީ އިޢުލާންކޮށްފައެވެ.
ކޫއްޑޫއަކީ އެންމެ ގިނަ އަދަދަކަށް މަސް ކިރާ ކާރުހާނާއެވެ. އެ ކާރުހާނާއަށް ޒަމާނީ ތަރައްޤީތައް ގެނައުމަށް މިފްކޯއިން ދަނީ ގިނަ މަސައްކަތްތަކެއް ކުރަމުންނެވެ.
